2003ko maiatzean, %1,3 jaitsi zen Euskal AEko industri jarduera, 2002ko hil beraren aldean, 2003ak aurreko ekitaldiak baino lanegun bat gutxiago izan duelako, EUSTATek landutako datuen arabera. Datuak balio homogeneotan neurtu ahal izateko lan-egutegiaren eragina zuzenduta, maiatzeko urte arteko tasak %2,3ko aldakuntza positiboa agertzen du.

Datu horiekin, urteko lehenengo bost hilabeteetako tasa metatuak, aurreko urteko aldi beraren aldean, %0,7ko hazkundea izan du balio absolutuetan neurtuta, eta %1,3koa lan-egutegiaren balio homogeneotan neurtuta.

2003ko maiatzean, urte arteko aldakuntzarik positiboenak, balio absolutotan, sektore hauei egokitu zaizkie: petrolioa fintzea (%62,1), metalezko eta ez-metalezko meak (%39,0), ez-metalezko industria (%5,9) eta ehungintza eta jantzigintza (%4,3) arloei, besteak beste.

Urte arteko hazkunde-tasa negatiboak, berriz, honako hauek izan dituzte: larruaren eta oinetakoen industria (%-21,3), bestelako manufakturak (%-10,6), elikagai-industria (%-9,9), makineria (%-3,7) eta metalurgia eta metalezko gauzak (%-3,5) arloek, batik bat.

Ondasunen helburu ekonomikoka, 2003ko maiatzean, igo egin dira, balio homogeneotan bitarteko ondasunen (%2,9) eta ekipo-ondasunen (%1,8) urte arteko tasak, baina jaitsi egin da kontsumo-ondasunen (%-3,5) tasa.

Urteko lehenengo bost hilabeteetan, hazkunde metatu handienak, balio homogeneotan, sektore hauei egokitu zaizkie: petrolioa fintzea (%8,7), kautxua eta plastikoa (%6,6), ehungintza eta jantzigintza (%5,9), material elektrikoa (%5,4) eta garraio-materiala (%4,6) arloei, besteak beste.

Tasa metaturik negatiboenak, berriz, honako hauek izan dituzte: larruaren eta oinetakoen industria (%-16,1), bestelako manufakturak (%-8,2), elikagai-industria (%-4,3) eta makineria (%-0,7) arloek, batik bat.

Lehenengo bost hilabeteetako aldakuntza metatuek, urte arteko konparazioko balio homogeneotan, honako datuak ematen dizkigute: bitarteko ondasunek (%2,4) eta ekipo-ondasunek (%0,7) hazkundeak izan dituzte, baina kontsumo-ondasunek %2,9ko jaitsiera izan dute.

Lurralde historikoka, lehenengo bost hilabeteetako joerak desberdintasunak agertzen ditu, balio homogeneotan: Bizkaiak izan du hazkunde metaturik handiena (%2,4), Gipuzkoa tartean kokatu da (%0,9) eta azkenik, Araban produkzioa jaitsi da (%-0,2) aurreko urteko al

di beraren aldean.