2003ko ekainean, Euskal AEko Eraikuntzaren Kostuen Indize Orokorra %0,1 igo zen, aurreko hilaren aldean, eta ekainerako urte arteko tasa %3,3ra iritsi zen, Eustaten datuen arabera. Urteko lehen sei hilabeteetako tasa %3,0 igo da iazko abenduaren aldean.

Urte arteko aldian (2003ko ekaina, 2002ko ekainarekin alderatuta), lan-eskuaren kostua %5,8 igo da eta lehengaien kostua, berriz, %1,5.

2003ko ekainean guztizko kostuak izandako %0,1eko igoeran eragin bera izan dute azpisektore nagusiek, Eraikinak azpisektoreko kostuak eta Obra Zibilekoak %0,1 igo baitira. Bi azpisektore horien urte arteko bilakaeran ere, biak igo dira antzera: Eraikineko kostuak %3,3 igo dira eta Obra Zibilekoak %3,4.

Sektoreak kontsumitutako lehengaien artetik, 2003ko ekainean, hauek izan dituzte inflazio-tasarik handienak: karea, igeltsua eta eskaiola (%5,6), petroliotik eratorritakoak (%2,7) eta harri landua (%1,8) lehengaiek. Bestalde, hileko batez besteko prezioen jaitsiera izan dute honakoek: asfalto-produktuak (%-4,2), energia elektrikoa (%-2,0) eta kristala (%-1,6) lehengaiek, besteak beste.