2003ko uztailean, Euskal AEko Eraikuntzaren Kostuen Indize Orokorra %0,1 jaitsi zen, aurreko hilaren aldean, eta uztailerako urte arteko tasa %3,1era iritsi zen, EUSTATen datuen arabera. Urteko lehen zazpi hilabeteetako tasa %2,8 igo da iazko abenduaren aldean.

Urte arteko aldakuntza-tasak, 1995-2003

(*)eskainitako gehikuntza uztaileko urte artekoa da.

Iturria: EUSTAT

Urte arteko aldian (2003ko uztaila, 2002ko uztailarekin alderatuta), lan-eskuaren kostua %5,8 igo da eta lehengaien kostua, berriz, %1,2.

2003ko uztailean guztizko kostuak izandako %0,1eko jaitsieran eragin desberdina izan dute azpisektore nagusiek: Eraikinak azpisektoreko kostuak %0,2 jaitsi dira eta Obra Zibilekoak, berriz, ez dira aldatu aurreko hiletik (%0,0). Bi azpisektore horien urte arteko bilakaeran ere, modu desberdinean igo dira: Eraikineko kostuak %3,0 igo dira eta Obra Zibilekoak %3,3.

Sektoreak kontsumitutako lehengaien artetik, 2003ko uztailean, hauek izan dituzte inflazio-tasarik handienak: petroliotik eratorritakoak (%4,1), energia elektrikoa (%2,7), lur erreak (%0,3) eta ateratze-agregakinak (%0,3) lehengaiek. Bestalde, hileko batez besteko prezioen jaitsiera izan dute honakoek: kristala (%-2,7), burdina eta altzairua (%-1,8) eta leherkariak eta gasak (%-1,6) lehengaiek, besteak beste.

Iturria: EUSTAT