2003ko uztailean, %1,9 hazi zen Euskal AEko industri jarduera, 2002ko hil beraren aldean, lan-egutegiaren balio absolutuetan zein homogeneotan, EUSTATek landutako datuen arabera. Urtearen lehenengo zazpi hilabeteetako hazkunde-tasa metatuak, aurreko urteko aldi beraren aldean, %1,2ko hazkundea izan du balio absolutuetan, eta %1,0ko lan-egutegiaren balio homogeneotan.

2003ko uztailean, urte arteko aldakuntzarik positiboenak, balio absolutotan, sektore hauei egokitu zaizkie: petrolioa fintzea (%28,8), ehungintza eta jantzigintza (%9,0), material elektrikoa (%5,4), kautxua eta plastikoa (%5,3), eta elikagai-industria (%4,8) arloei, besteak beste.

Urte arteko hazkunde-tasa negatiboak, berriz, honako hauek izan dituzte: larruaren eta oinetakoen industria (%-8,5), metalezko eta ez-metalezko meak (%-7,1), zurgintza (%5,3) eta bestelako manufakturak (%4,2) arloek, batik bat.

Ondasunen helburu ekonomikoka, 2003ko uztailean, igo egin dira ekipo-ondasunen (%2,4) eta bitarteko ondasunen (%0,9) urte arteko tasak, baina jaitsi egin da kontsumo-ondasunen (%-0,3) tasa.

Urteko lehenengo zazpi hilabeteetan, hazkunde metatu handienak, balio absolututan, sektore hauei egokitu zaizkie: petrolioa fintzea (%15,9), ehungintza eta jantzigintza (%7,8), kautxua eta plastikoa (%6,7), material elektrikoa (%3,4), eta garraio-materiala (%2,6), besteak beste.

Tasa metaturik negatiboenak, berriz, honako hauek izan dituzte: larruaren eta oinetakoen industria (%-13,7), bestelako manufakturak (%-6,2), elikagai-industria(%-2,5) eta makineria (%-0,5) arloek, batik bat.

Lehenengo zazpi hilabeteetako aldakuntza metatuek hazkundeak izan dituzte bitarteko ondasunetan (%1,8) eta ekipo-ondasunetan (%0,2), baina kontsumo-ondasunek %2,5eko jaitsiera izan dute.

Lurralde historikoka, uztaileko indize orokorrean Gipuzkoako (%5,3) urte arteko tasa nabarmendu da, Arabakoaren (%1,5) eta Bizkaikoaren (%-1,0) aldean. Urteko lehenengo zazpi hilabeteetan ere desberdintasunak ageri dira: Bizkaiak eta Gipuzkoak %1,5eko hazkunde metatuak izan dituzte eta Araban produkzioa jaitsi egin da (%-0,1) aurreko urteko aldi beraren aldean.