2003ko ekainean, %3,3 hazi zen Euskal AEko industri jarduera, 2002ko hil beraren aldean, 2003ak aurreko ekitaldiak baino lanegun bat gehiago izan duelako, EUSTATek landutako datuen arabera. Datuak balio homogeneotan neurtu ahal izateko lan-egutegiaren eragina zuzenduta, ekaineko urte arteko tasak %0,5eko aldakuntza negatiboa agertzen du.

Datu horiekin, urteko lehenengo sei hilabeteetako tasa metatuak, aurreko urteko aldi beraren aldean, %1,2ko hazkundea izan du balio absolutuetan neurtuta, eta %1,0koa lan-egutegiaren balio homogeneotan neurtuta.

2003ko ekainean, urte arteko aldakuntzarik positiboenak, balio absolutotan, sektore hauei egokitu zaizkie: petrolioa fintzea (%37,9), kautxua eta plastikoa (%11,4), zurgintza (%6,6), bestelako manufakturak (%5,1) eta ehungintza eta jantzigintza (%5,0) arloei, besteak beste.

Urte arteko hazkunde-tasa negatiboak, berriz, honako hauek izan dituzte: metalezko eta ez-metalezko meak (%-7,5), larruaren eta oinetakoen industria (%-7,3) eta garraio-materiala (%-1,0) arloek, batik bat.

Ondasunen helburu ekonomikoka, 2003ko ekainean, igo egin dira, balio absolututan bitarteko ondasunen (%3,4) eta ekipo-ondasunen (%1,1) urte arteko tasak, baina jaitsi egin da kontsumo-ondasunen (%-0,3) tasa.

Urteko lehenengo seihilekoan, hazkunde metatu handienak, balio absolututan, sektore hauei egokitu zaizkie: petrolioa fintzea (%13,6), ehungintza eta jantzigintza (%7,5), kautxua eta plastikoa (%6,9), garraio-materiala (%3,3) eta metalezko eta ez-metalezko meak (%3,2) arloei, besteak beste.

Tasa metaturik negatiboenak, berriz, honako hauek izan dituzte: larruaren eta oinetakoen industria (%-14,6), bestelako manufakturak (%-6,6), elikagai-industria (%-3,6) eta metalurgia eta metalezko gauzak (%-0,5) arloek, batik bat.

Lehenengo seihilekoko aldakuntza metatuek, lan-egutegiaren eragina kontuan hartu gabe, honako datuak ematen dizkigute: bitarteko ondasunek (%2,1) eta ekipo-ondasunek (%0,2) hazkundeak izan dituzte, baina kontsumo-ondasunek %3,0ko jaitsiera izan dute.

Lurralde historikoka, lehenengo sei hilabeteetako joerak desberdintasunak agertzen ditu: Bizkaiak izan du hazkunde metaturik handiena (%1,9), Gipuzkoa tartean kokatu da (%1,0) eta azkenik, Araban produkzioa jaitsi egin da (%-0,1) aurreko urteko aldi beraren aldean.