2003ko bigarren hiruhilekoan, Euskal AEn 4.980 jaiotza erregistratu ziren, iazko aldi berean baino %8 gehiago, Eustatek landutako datuen arabera. Lurraldeka, Araban 763 ume jaio ziren, %16,7ko hazkundearekin; Bizkaian 2.504 jaiotzarekin, hazkundearen ehunekoa %5ean kokatu zen; Gipuzkoan, berriz, %9ko tasa lortu zen 1.713 jaiotzarekin.

Jaiotza-hurrenkeraren arabera, 2003ko lehen hiruhilekoan, erdiak baino gehiago, 2.826 haur, lehenengo semealabak izan ziren; 1.877 haur (%37,7) aurretik beste bat zegoen familietara iritsi dira; eta hirugarren eta ondorengo semealabak %5,6ra iritsi dira. Gipuzkoan (%45,8), bigarren eta ondorengo semealaben kopurua Euskal AEko batez bestekoa (%43,3) baino handiagoa izan da, eta hori herrialde historiko horretan baino ez da gertatu.

Lau jaiotzatik hirutan amak 30 urtetik gora ditu

Jaiotzak amaren adinaren arabera banatzen baditugu, ikusiko dugu 3034 urteko amen taldea oraindik ere nagusi dela argi eta garbi, haien artean gertatu baitira erditzeen ia erdiak. Talde horren ondotik, hurrengo goragoko taldea dago, hau da, 3539 urte artekoa (%24,7); 2529ko taldea beherago geratu da, erditzeen %18,7 ekarri baititu. Muturreko adinak dituzten taldeetan, 25 urtez behera amatzen direnak %5,1 dira, eta 40 urtez gorakoen taldeak, berriz, jaiotzen %3,7 besterik ez du ekarri.

Ezkontzaz kanpo jaioek guztizkoaren %18,7 hartzen dute, eta puntu bat igo dira 2002ko bigarren hiruhilekoaren aldean. Bizkaia (%18,4) izan da Euskal AEko kopuru orokorra baino txikiagoa izan duen lurralde bakarra. Talde horren erditzeadina haurrak eduki dituzten amen multzo osoarena baino txikiagoa da, ama ezkongabeen %17,6 14 eta 24 urte bitartekoak baitziren.