2003ko abenduan, Euskal AEko Eraikuntzaren Kostuen Indizea %0,1 igo zen, aurreko hilaren aldean, eta abendurako urte arteko tasa %2,4ra iritsi zen, EUSTATen datuen arabera. Beraz, 2003 osoko tasak %2,4ko igoera izan zuen 2002ko abenduaren aldean.

Urte arteko aldian (2003ko abendua, 2002ko abenduaren gainean), lan-eskuaren kostua %5,8 handitu da eta lehengaien kostuak, berriz, % 0,1.

Eraikuntza eta Obra Zibila azpisektoreek antzeko bilakaera izan dute: aurreko hilaren aldean %0,2 igo da Eraikuntza eta Obra Zibileko lehengaien kostuek eutsi egin diote beren egoerari. Azpisektore horien urte arteko bilakaerari begiratuz gero, zeinu desberdineko ibilbideak izan dituztela ikusiko dugu: Eraikuntzako kostuak %0,1 jaitsi dira, eta obra zibilekoak, aldiz, %0,6 igo.

Sektoreak kontsumitutako lehengaien artetik, 2003 osoan, hauek izan zituzten inflazio-tasarik handienak 2002ko abenduaren aldean: karea, igeltsua eta eskaiola (%7,1), garbitasuneko eta gorputz-garbitasuneko materialak (%6,0), burdina eta altzairua (%5,0), makineria-osagarriak (%4,4) eta zementu artifiziala (%4,1). Aitzitik, urteko prezioetan (2003ko abendua, 2002ko abenduaren gainean), murrizketak izan dituzte zeramika-produktuak (%-17,9), asfaltozko produktuak (%-6,6), petroliotik eratorritako produktuak (%-4,8), energia elektrikoa (%-3,9) eta leherkariak eta gasak (%-3,6) lehengaiek.