2003ko abuztuan, Euskal AEko Eraikuntzaren Kostuen Indize Orokorra %0,1 igo zen, aurreko hilaren aldean, eta abuzturako urte arteko tasa %3,2ra iritsi zen, EUSTATen datuen arabera. Urteko lehen zortzi hilabeteetako tasa %3,0 igo zen iazko abenduaren aldean.

Urte arteko aldian (2003ko abuztua, 2002ko abuztuarekin alderatuta), lan-eskuaren kostua %5,8 igo zen eta lehengaien kostua, berriz, %1,3.

2003ko abuztuan guztizko kostuak izandako %0,1eko igoeran eragin desberdina izan zuten azpisektore nagusiek: Eraikinak azpisektoreko kostuak ez ziren aldatu (%0,0) eta Obra Zibilekoak, berriz, %0,2 igo ziren, joan zen uztailaren aldean. Bi azpisektore horien urte arteko bilakaeran ere, modu desberdinean igo ziren: Eraikineko kostuak %3,1 igo ziren eta Obra Zibilekoak %3,2.

Sektoreak kontsumitutako lehengaien artetik, 2003ko abuztuan, hauek izan zituzten inflazio-tasarik handienak: petroliotik eratorritakoak (%3,0), energia elektrikoa (%2,3), asfalto-produktuak (%1,7) eta zementu artifiziala (%0,7) lehengaiek. Bestalde, hileko batez besteko prezioen jaitsiera izan zuten honakoek: plastikozko hoditeria (%-1,6), metalezko hoditeria (%-0,7), lur erreak (%-0,3) eta ateratze-agregatuak (%-0,2) lehengaiek, besteak beste.