2004ko urtarrilean, Euskal AEko Eraikuntzaren Kostuen Indizea %2,0 igo zen, aurreko hilaren aldean, eta urtarrilerako urte arteko tasa %1,9ra iritsi zen, EUSTATen datuen arabera.

2004ko urtarrilean, lan-eskuaren kostua %4,0 handitu da; lehengaien kostuak, berriz, %0,6.

Eraikuntza eta Obra Zibila azpisektoreek bilakaera berdina izan dute: aurreko hilaren aldean %0,6 igo da Eraikuntza eta beste horrenbeste Obra Zibileko lehengaien kostuak ere. Azpisektore horien urte arteko bilakaerari begiratuz gero, zeinu desberdineko ibilbideak izan dituztela ikusiko dugu: eraikuntzako lehengaien kostuak %0,7 hazi dira, eta obra zibilekoak, aldiz, %-0,2ko jaitsiera izan dute.

Urtarrilean prezio hazkunderik handienak kontsumitutako honako lehengaiek izan dituzte: produktu asfaltikoak (%3,3), garbitzeko eta txukuntzeko materialak (%2,9), ateratze-agregatuak (%2,5), burdina eta altzairua (%2,3) eta leherkariak eta gasak (%2,2) lehengaiek. Aitzitik, hileko prezioetan murrizketak izan dituzte bulego-materiala (%-2), pinturak eta bernizak (%-0,8) eta plastikozko hoditeria eta isolatzaile termikoak (%-07) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: garbitasuneko eta gorputz-garbitasuneko materialak (%7,9), karea, igeltsua eta eskaiola (%6,4), burdina eta altzairua (%4,9), metalezko hoditeria (%3,4) eta ateratze-agregatuak (%2,4) lehengaiek. Aitzitik, urteko arteko prezioetan (2004ko urtarrila, 2003ko urtarrilaren gainean), murrizketak izan dituzte produktu asfaltikoak (%-10,8), petroliotik eratorritako produktuak (%-8,9), laneko arropak (%-4,4), energia elektrikoa (%-3,8) eta plastikozko hoditeria eta isolatzaile termikoak (%-3,3) lehengaiek.