2003ko abuztuan, %1,9 hazi zen Euskal AEko industri jarduera, 2002ko hil beraren aldean, lan-egutegiaren balio absolutuetan, EUSTATek landutako datuen arabera. Lan-egutegiaren balio homogeneotan, urte arteko hazkundea %5,5era iritsi zen, joan zen abuztuak iazkoak baino lanegun bat gutxiago izan zuelako. Urtearen lehenengo zortzi hilabeteetarako hazkunde-tasa metatua, iazko aldi beraren aldean, %0,9 hazi da balio absolutuetan, eta %1,0 lan-egutegiaren balio homogeneotan. Aipatzekoa da 2003an industri produkzioan ematen ari den susperraldia; hazkunde positiboak eta gero eta altuagoak izan ziren lehenengo bi hiruhilekoetan, eta %2,0ra iritsi zen uztaila eta abuztua batuta. Hori guztia, balio homogeneotan.

2003ko abuztuan, urte arteko aldakuntzarik positiboenak, balio absolutotan, sektore hauei egokitu zaizkie: petrolioa fintzea (%59,6), garraio-materiala (%14,9), kautxua eta plastikoa (%3,4), larruaren eta oinetakoen industria (%2,9) eta zurgintza (%2,7) arloei, besteak beste.

Urte arteko hazkunde-tasa negatiboak, berriz, honako hauek izan dituzte: metalezko eta ez-metalezko meak (%-10,9), ehungintza eta jantzigintza (%-7,3), ez-metalezko industria (%-5,6), material elektrikoa (%-5,2), eta papera, argitalpena eta arte grafikoak (%-3,4) arloek, batik bat.

Ondasunen helburu ekonomikoka, 2003ko abuztuan, igo egin dira ekipo-ondasunen (%8,0) eta bitarteko ondasunen (%3,1) urte arteko tasak, baina jaitsi egin da kontsumo-ondasunen (%-7,4) tasa.

Urteko lehenengo zortzi hilabeteetan, hazkunde metatu handienak, balio absolututan, sektore hauei egokitu zaizkie: petrolioa fintzea (%20,9), ehungintza eta jantzigintza (%6,8), kautxua eta plastikoa (%6,7), garraio-materiala (%3,1) eta material elektrikoa (%2,4) sektoreei, besteak beste.

Tasa metaturik negatiboenak, berriz, honako hauek izan dituzte: larruaren eta oinetakoen industria (%-13,7), bestelako manufakturak (%-5,4), elikagai-industria(%-2,2) eta makineria (%-1,2) arloek, batik bat.

Lehenengo zortzi hilabeteetako aldakuntza metatuek hazkundeak izan dituzte bitarteko ondasunetan (%1,7) eta ekipo-ondasunetan (%0,1), baina kontsumo-ondasunek %2,9ko jaitsiera izan dute.

Lurralde historikoka, abuztuko indize orokorrean, Arabako eta Bizkaiko urte arteko hazkundeak nabarmendu dira, %3,8 eta %4,9ko hazkundeekin, hurrenez hurren. Gipuzkoan, aldiz, %3,6 urritu da indizea. Urteko lehenengo zortzi hilabeteetan, desberdintasunak txikiagoak dira: Bizkaiak eta Gipuzkoak %1,6 eta %0,7ko hazkunde metatuak izan dituzte, hurrenez hurren, eta Araban produkzioa apur bat jaitsi da (%0,1), aurreko urteko aldi beraren aldean. .