2004ko urtarrilean, %3,4 hazi zen Euskal AEko industri jarduera, balio absolututan, 2003ko hil beraren aldean, EUSTATek landutako datuen arabera. Lan-egutegiaren balio homogeneotan, urte arteko aldakuntza %7,3koa izan da, urtarrilak aurten lanegun bat gutxiago izan duelako iaz baino.

2004ko urtarrilean, urte arteko aldakuntzarik positiboenak, balio absolututan, sektore hauei egokitu zaizkie: petrolioa fintzea (%6,7), kimika-industria (%6,6), zurgintza (%6,5), metalgintza eta metalezko gaiak (%6,3), ez-metalezko industria (%6,1), energia elektrikoa, gasa eta ura (%5,6) eta material elektrikoa (%4,9) arloei, besteak beste.

Urte arteko hazkunde-tasa negatiboak, berriz, honako hauek izan dituzte: bestelako manufakturak (%-12,1), metalezko eta ez-metalezko meak (%-9,2), papera, argitalpena eta arte grafikoak (%-3,0), elikagai-industria (%-2,9) eta larruaren eta oinetakoen industria (%-2,6) arloek, batik bat.

Ondasunen helburu ekonomikoaren araberako sailkapenean, 2004ko urtarrilean, nabarmen igo da bitarteko ondasunen urte arteko tasa (%7,6), ia aldagaitz mantendu dira ekipo-ondasunak eta ia bi puntuko jaitsiera izan dute kontsumo-ondasunek (%-1,8).

Lurralde historikoka, Indize Orokorraren urte arteko bilakaerek erritmo desberdinak izan dituzte; %6,6 eta %5,4 hazi dira, balio absolututan, Gipuzkoa eta Araba, hurrenez hurren; eta Bizkaian, berriz, %0,2ko jaitsiera arina izan da. Lan-egutegiaren balio homogeneotan, urte arteko lurraldekako aldakuntzak honakoak izan dira: %10,8 Gipuzkoan, %9,6 Araban eta %3,2 Bizkaian.