2003ko uztailean, abuztuan eta irailean 3.376 ezkontza kontatu ziren Euskal AEn, aurreko urteko hiruhileko berean baino %7,1 gutxiago, Eustaten datuen arabera. Lurralde historikoka, bizkaitarrek 1.728 ezkontza ospatu zituzten, gipuzkoarrek 1.029 eta arabarrek 456. Euskal AEz kanpo bizi diren egoiliarren kasuan, ezkontzak 163 izan ziren.

Uztaila da ezkontzeko hilabeterik gustukoena

Uztailean ospatu ziren ezkontza gehien (1.344), irailean 1.315 izan baitziren. Bestalde, oraingoan ere, abuztuan ospatu dira ezkontza gutxien (717).

Hiruhileko honetan nabarmen hasi dira Elizan ospatu diren ezkontzak. Neguko hilabeteetan ezkontzen erdia baino gehiago zibilak izan ziren arren, hiruhileko honetan ospakizunen %71,2 erlijiosoak izan dira. Araban ezkontza kanonikoak %64,3 izan ziren, Gipuzkoan %68 eta Bizkaian %73,6.

2003ko hirugarren hiruhileko horretako 3.376 ezkontzetan, bizilekua Euskal Autonomia Erkidegoan duten 3.255 gizonezko eta 3.334 emakumezko ezkondu ziren. Horietatik 3.099 senarrentzat (%95,2), lehen ezkontza izan zen; 20 alargun eta 136 dibortziatu, aldiz, berriro ezkondu ziren. Lehen ezkontza zuten emakumeen ehunekoa eta gizonezkoena antzekoak izan ziren: aurretik ezkongabeak ziren emakumeak 3.179 (%95,4) izan ziren; alargunak, 10; eta dibortziatuak, 145.

Ezkontzak ezkontideek ezteiegunean zuten adinaren arabera banatuz gero, senarren artean, %61,3k 30 urtetik gora zituzten; emazteen artean, berriz, ehuneko hori %40,6ra jaitsi zen.