2004ko apirilean, Euskal AEko Eraikuntzaren Kostuen Indizea %0,5 igo zen, aurreko hilaren aldean, eta apirileko urte arteko tasa %4,7ra iritsi zen, EUSTATen datuen arabera.

2004ko apirilean, lan-eskuaren kostua ez zen aldatu (%0,0); lehengaien kostuak, berriz, %0,8 igo ziren.

Eraikuntza eta Obra Zibila azpisektoreek bilakaera desberdina izan zuten: aurreko hilaren aldean %0,7 igo zen Eraikuntza eta %1,0 igo ziren Obra Zibileko lehengaien kostuak, hau da, hiru hamarren gehiago. Azpisektore horien urte arteko bilakaerari begiratuz gero, zeinu desberdineko ibilbideak izan zituztela ikusiko dugu: Eraikuntzako lehengaien kostuak %5,1 hazi ziren, eta obra zibilekoak, aldiz, %4,7.

Apirilean prezio hazkunderik handienak kontsumitutako honako lehengaiek izan zituzten: metalezko hoditeria (%8,2), asfalto-produktuak (%6,7), burdina eta altzairua (%4,7) eta petroliotik eratorritakoak (%3,1) lehengaiek. Aitzitik, hileko prezioetan murrizketak izan zituzten, besteak beste, energia elektrikoa (%-4,9), leherkariak eta gasak (%-3,1), Karea, igeltsua eta eskaiola (%-2,7) eta garbitzeko eta txukuntzeko materiala (%-1,1) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%23,6), burdina eta altzairua (%15,8), petroliotik eratorritakoak (%9,0), asfalto-produktuak (%8,2) eta karea, igeltsua eta eskaiola (%8,0) lehengaiek. Bestalde, urteko arteko prezioetan (2004ko apirila, 2003ko apirilaren gainean), murrizketak izan zituzten energia elektrikoa (%-8,5), harri elaboratua (%-5,0), bulego-materiala (%-3,4) eta leherkariak eta gasak (%-1,8) lehengaiek.