2004ko ekainean, Euskal AEko Eraikuntzaren Kostuen Indizea %0,1 igo zen, aurreko hilaren aldean, eta ekaineko urte arteko tasa %5,5era iritsi zen, EUSTATen datuen arabera.

2004ko ekainean, lan-eskuaren kostua ez zen aldatu (%0,0); lehengaien kostuak, berriz, %0,2 igo ziren.

Eraikuntza eta obra zibila azpisektoreek oso antzeko bilakaera izan zuten: aurreko hilaren aldean %0,2 igo zen eraikuntza eta %0,1 obra zibileko lehengaien kostuak, hau da, hamarren bat gutxiago. Azpisektore horien urte arteko bilakaerari begiratuz gero, ikusiko dugu kontsumitutako lehengaiei dagokienez ere ibilbide homogeneoak izan zituztela: eraikuntzako lehengaien kostuak %6,2 igo ziren eta obra zibilekoak %6,3.

Ekainean prezio hazkunderik handienak kontsumitutako honako lehengaiek izan zituzten: metalezko hoditeria (%4,0), erabilitako makineria-osagarriak (%2,3), esku-erremintak (%1,6), burdina eta altzairua (%1,3) eta zementu artifiziala (%1,2) lehengaiek. Aitzitik, hileko prezioetan murrizketak izan zituzten, besteak beste, petroliotik eratorriak (%-4,6), garbitzeko eta txukuntzeko materiala (%-2,3), leherkariak eta gasak (%-1,7) eta energia elektrikoa (%-1,6) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%35,4), burdina eta altzairua (%25,2), asfalto-produktuak (%15,5), petroliotik eratorriak (%13,3) eta zementutik eratorriak (%7,4) lehengaiek. Bestalde, urteko arteko prezioetan (2004ko ekaina, 2003ko ekainaren gainean), murrizketak izan zituzten harri elaboratua (%-7,2), beira (%-3,9), energia elektrikoa (%-3,0), bulego-materiala (%-2,5) eta plastikozko hoditeria (%-0,5) lehengaiek.