2004ko abuztuan, Euskal AEko Eraikuntzaren Kostuen Indizea %0,5 igo zen, aurreko hilaren aldean, eta abuztuko urte arteko tasa %6,5era iritsi zen, EUSTATen datuen arabera.

Lehengaien kostuak %0,8 igo ziren, aurreko hilaren aldean, eta bilakaera berdin-berdina izan zuten eraikuntzan eta obra zibilean (%0,8). Azpisektore bien urte arteko bilakaerari begiratuz gero, ikusiko dugu kontsumitutako lehengaiei dagokienez ere ibilbide nahiko homogeneoak izan zituztela: eraikuntzako lehengaien kostuak %7,8 igo ziren eta obra zibilekoak %7,5.

Abuztuan, prezio hazkunderik handienak kontsumitutako honako lehengaiek izan zituzten: energia elektrikoa (%3,7), metalezko hoditeria (%3,2), olioak eta koipeak (%2,9), asfalto-produktuak (%2,6), karea, igeltsua eta eskaiola (%2,5) eta petroliotik eratorritakoak (%2,2) lehengaiek. Aitzitik, hileko prezioetan murrizketak izan zituzten lehergaiak eta gasak (%-1,5), beira (%-1,1) plastikozko hoditeria eta isolatzaile termikoak (%-0,4) eta zementu artifiziala (%-0,3) lehengaiek, besteak beste.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%40,7), burdina eta altzairua (%30,5), asfalto-produktuak (%22,1), petroliotik eratorritakoak (%14,0) eta zementutik eratorrirako gaiak (%9,8) lehengaiek. Bestalde, urteko arteko prezioetan (2004ko abuztua, 2003ko abuztuaren gainean), murrizketak izan zituzten harri elaboratua (%-3,7), lehergaiak eta gasak (%-3,5), garbitzeko eta txukuntzeko materiala (%-2,1), bulego-materiala (%-1,8), beira (%-1,6) eta energia elektrikoa (%-1,2) lehengaiek.