2004ko irailean, Euskal AEko Eraikuntzaren Kostuen Indizea %0,5 igo zen, aurreko hilaren aldean, EUSTATen datuen arabera. Iraileko urte arteko tasa %7,0era iritsi zen; %3,8ra lan-eskuan eta %8,6ra lehengaien kostuan.

Lehengaien kostuak %0,7 igo ziren, aurreko hilaren aldean, eta bilakaera desberdinak izan zituzten eraikuntzan (%0,7) eta obra zibilean (%0,5). Azpisektore horien urte arteko bilakaerari begiratuz gero, ikusiko dugu kontsumitutako lehengaiei dagokienez ere ibilbide homogeneoak izan zituztela: eraikuntzako lehengaien kostuak %8,7 igo ziren eta obra zibilekoak %8,3.

Irailean prezio hazkunderik handienak kontsumitutako honako lehengaiek izan zituzten: harri elaboratua (%5,3), burdina eta altzairua (%4,3), asfalto-produktuak (%2,6) eta petroliotik eratorritakoak (%2,4) lehengaiek. Aitzitik, hileko prezioetan murrizketak izan zituzten olioak eta koipeak (%-3,4), beira (%-2,9), energia elektrikoa (%-1,0), ateratze-agregatuak (%-0,7) eta karea, igeltsua eta eskaiola (%-0,4) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%39,3), burdina eta altzairua (%36,3), asfalto-produktuak (%24,8), petroliotik eratorritakoak (%21,2) eta zementutik eratorrirako gaiak (%9,8) lehengaiek. Bestalde, urteko arteko prezioetan (2004ko iraila, 2003ko irailaren gainean), murrizketak izan zituzten beira (%-4,5), leherkariak eta gasak (%-2,4), bulego-materiala (%-1,8), energia elektrikoa (%-0,4) eta olioak eta koipeak (%-0,1) lehengaiek.