2004ko maiatzean, Euskal AEko Eraikuntzaren Kostuen Indizea %0,5 igo zen, aurreko hilaren aldean, eta maiatzeko urte arteko tasa %5,3ra iritsi zen, EUSTATen datuen arabera.

2004ko maiatzean, lan-eskuaren kostua ez zen aldatu (%0,0) eta lehengaien kostuak, berriz, %0,7 igo ziren.

Eraikuntza eta obra zibila azpisektoreek antzeko bilakaera izan zuten: aurreko hilaren aldean %0,7 igo zen eraikuntza eta %0,8 obra zibileko lehengaien kostuak, hau da, hamarren bat gehiago. Azpisektore horien urte arteko bilakaerari begiratuz gero, ibilbide are homogeneoagoak izan zituztela ikusiko dugu: eraikuntzako lehengaien kostuak %6,0 igo ziren eta obra zibilekoak beste horrenbeste.

Maiatzean, prezio hazkunderik handienak kontsumitutako honako lehengaiek izan zituzten: petroliotik eratorriak (%6,0), metalezko hoditeria (%4,2), garbitzeko eta txukuntzeko materialak (%4,1), leherkariak eta gasak (%3,9), burdina eta altzairua (%3,5) eta egiturak eta galdaragintza (%1,8) lehengaiek. Aitzitik, hileko prezioetan murrizketak izan zituzten energia elektrikoa (%-1,6), zementu artifiziala (%-1,5), pinturak eta bernizak (%-1,2) eta plastikozko hoditeria (%-0,6) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%28,2), petroliotik eratorritakoak (%21,6), burdina eta altzairua (%20,9), asfalto-produktuak (%15,5) eta zementutik eratorrirakoak (%7,8) lehengaiek. Bestalde, urte arteko prezioetan (2004ko maiatza, 2003ko maiatzaren gainean), murrizketak izan zituzten harri elaboratua (%-5,0), beira (%-4,3), energia elektrikoa (%-3,7), bulego-materiala (%-3,5) eta plastikozko hoditeria (%-1,3) lehengaiek.