2004ko uztailean, % 0,1 goratu zen Euskal AEko Eraikuntzaren Kostuen Indizea, aurreko hilaren aldean, eta, horrenbestez, hil horretako urte arteko tasa % 5,6koa da, Eustatek eskainitako datuen arabera.

2004ko uztailean, laneskuaren kostuak ez du aldakuntzarik izan (% 0,0); lehengaien kostuak, berriz, % 0,2 hazi dira.

Eraikuntza eta obra zibila azpisektoreek bilakaera ezberdina izan dute lehengaien kostuetan: eraikuntzarenak % 0,1 gehitu dira aurreko hilaren aldean; eta obra zibilarenak, % 0,5, lau hamarren gehiago, alegia. Bi azpisektore horien urte arteko bilakaeran, kontsumitzen dituzten lehengaiei dagokienez, ikusten da biek bide homogeneoagoak egin dituztela: eraikuntza eta obra zibila azpisektoreetan, lehengaien kostuak % 6,5 eta % 6,7 igo dira, hurrenez hurren.

Uztailean, lehengai hauek izan dira euren prezioetan hazkunderik handienak izan dituztenak: petroliotik eratorriak (% 5,1), asfaltozko produktuak (% 4,3), metalezko hodiak (% 2,9), makineria erabilirako osagarriak (% 2,1) eta energia elektrikoa (% 2,0). Aitzitik, hileko batez besteko prezioetan murrizketak izan dituzte garbitzeko eta txukuntzeko materialak (% 3,2), karea, igeltsua eta eskaiola (% 2,1), burdina eta altzairua (% 0,9) eta aparatu eta material elektrikoa (% 0,4) lehengaiek.

Sektoreak kontsumitutako lehengaien artetik, azken hamabi hilabetean, hauek izan dira inflaziotasarik handienekoak: metalezko hodiak (% 38,2), burdina eta altzairua (% 25,2), asfaltozko produktuak (22,1%), petroliotik eratorriak (% 14,8) eta zementutik eratorritako gaiak (% 7,8), batik bat. Bestalde, murrizketak izan dituzte urte arteko prezioetan (2004ko uztailekoak, 2003ko uztailekoekin alderatuta) harri landua (% 7,2), garbitzeko eta txukuntzeko materialak (% 3,8), energia elektrikoa (% 3,7), bulegoko materiala (% 2,1), leherkariak eta gasak (% 1,0), beira (% 0,7) eta karea, igeltsua eta eskaiola (% 0,2) lehengaiek.

Iturria: EUSTAT