2004ko ekainean, %6,1 hazi zen Euskal AEko industri produkzioa, balio absolututan, 2003ko hil beraren aldean, EUSTATek landutako datuen arabera. Balio homogeneotan, urte arteko aldakuntza %3,6ra iritsi zen. 2004ko lehenengo sei hileko hazkunde metatua %4,3an kokatu zen, balio absolututan, aurreko urteko aldi beraren aldean; eta %3,4ko hazkundea izan zen, urte arteko alderagarritasuneko balio egokituetan.

2004ko ekainean, urte arteko aldakuntzarik positiboenak, balio absolututan, sektore hauei egokitu zitzaizkien: energia elektrikoa, gasa eta ura (%26,1), material elektrikoa (%14,7) zurgintza (%9,3) eta kautxua eta plastikoa (%9,0) arloei, besteak beste. Urte arteko hazkunde-tasa negatiboak, berriz, honako hauek izan zituzten: metalezko eta ez-metalezko meak (%-25,0), ez-metalezko industria (%-19,9), ehungintza eta jantzigintza (%-10,6), bestelako manufakturak (%-5,2), larruaren eta oinetakoen industria (%-5,1) eta petrolioa fintzea (%-0,3) arloek, batik bat.

Urteko lehenengo sei hilabeteetan, aurreko urteko aldi beraren aldean, hazkunde-tasa handienak sektore hauei egokitu zitzaizkien: energia elektrikoa, gasa eta ura (%23,8), petrolioa fintzea (%22,5), material elektrikoa (%8,8), kautxua eta plastikoa (%5,8) eta garraio-materiala (%4,1) arloei, besteak beste. Tasa metaturik negatiboenak, berriz, honako hauek izan zituzten: ez-metalezko industria (%-14,2), metalezko eta ez-metalezko meak (%-13,5), larruaren eta oinetakoen industria (%-13,2) eta bestelako manufakturak (%-5,6) arloek, batik bat.

Ondasunen helburu ekonomikoaren araberako sailkapen berrian, 2004ko ekainean, nabarmen igo zen energiaren urte arteko tasa (%10,3) eta apalago ekipo-ondasunena (%7,0), bitarteko ondasunena (%5,6) eta kontsumo-ondasun ez-iraunkorrena (%6,6). Kontsumo-ondasun iraunkorrena (%2,6) berriz, apur bat igo zen eta beraz, kontsumo-ondasunak, osotara, %5,3 igo ziren.

Egutegiaren eragina zuzenduta, energiaren urte arteko hazkundea %8,9koa izan zen, ekipo-ondasunak %4,4 hazi ziren balio homogeneotan eta bitarteko-ondasunak %3,3ko tasara iritsi ziren. Kontsumo-ondasunek %2,7ko hazkunde-tasa portu zuten (kontsumo-ondasun ez-iraunkorrak %4,3 eta kontsumo-ondasun iraunkorrak %-0,5).

Urteko lehenengo sei hilabeteetan, aurreko urteko aldi berarekin alderatuta, energiak balio absolututan %23,4ko hazkundea metatu zuen, bitarteko ondasunek %3,2koa eta ekipo-ondasunek %2,0koa. Kontsumo-ondasunak %0,6 igo ziren eta honela banatu ziren: kontsumo-ondasun iraunkorrak %-2,3ra iritsi ziren eta ez-iraunkorrak %2,1era.

Lurralde historikoka, Indize Orokorraren urte arteko bilakaerek erritmo desberdinak izan zituzten: balio absolututan, %13,3 hazi zen Araban, %6,4 Bizkaian eta %1,7 Gipuzkoan. Urteko lehenengo sei hilabeteetan hazkunde metatuaren tasa handienak Arabari (%8,1) egokitu zitzaizkion, ondoren Bizkaiari (%3,7) eta azkenik Gipuzkoari (%2,6).