2004ko azaroan, aurreko hilaren aldean, Euskal AEko Eraikuntzaren Kostuen Indizea % 0,2 jaitsi zen, Eustatek landutako datuen arabera. Azaroko urte arteko tasa % 7,3koa da; % 3,8 hazi da lan-eskuaren kostua, eta % 9,0 lehengaien kostua.

Lehengaien kostuak % 0,3 jaitsi dira aurreko hilaren aldean: eraikinak azpisektorekoak % 0,3 beheratu dira, eta obra zibila azpisektorekoak % 0,6. Bi azpisektore horien urte arteko bilakaeran, kontsumitzen dituzten lehengaiei dagokienez, ikusten da biek nahiko bide homogeneoak egin dituztela: eraikuntza eta obra zibila azpisektoreetan, lehengaien kostuak % 9,2 eta % 8,3 igo dira, hurrenez hurren.

Azaroan, lehengai hauek izan dira euren prezioetan hazkunderik handienak izan dituztenak: energia elektrikoa (% 4,9), bulegoko materiala (% 1,1), beira (% 0,7), metalezko hodiak (% 0,6) eta karea, igeltsua eta eskaiola (% 0,4). Aitzitik, prezioetan murrizketak izan dituzte petroliotik eratorriak (% -8,0), asfaltozko produktuak (% -8,0), olioak eta koipeak (% -1,6) eta burdina eta altzairua (% -0,7) lehengaiek, besteak beste.

Sektoreak kontsumitutako lehengaien artetik, azken hamabi hilabetean, hauek izan dira inflazio-tasarik handienekoak: metalezko hodiak (% 43,1), burdina eta altzairua (% 39,1), asfaltozko produktuak (% 24,8), petroliotik eratorriak (% 18,2) eta zementutik eratorritako gaiak (% 9,8), batik bat. Bestalde, murrizketak izan dituzte urte arteko prezioetan (2004ko azarokoak, 2003ko azarokoekin alderatuta) lehengai hauek: beira (% -1,7), bulegoko materiala (% -1,0), energia elektrikoa (% -0,8) eta zura eta kortxoa (% -0,3) lehengaiek, alegia.