2004ko urrian, Euskal AEko Eraikuntzaren Kostuen Indizea %0,3 igo zen, aurreko hilaren aldean, EUSTATen datuen arabera. Urriko urte arteko tasa %7,2ra iritsi zen; %3,8ra lan-eskuarena eta %8,8ra lehengaien kostuarena.

Lehengaien kostuak %0,4 igo ziren, aurreko hilaren aldean, eta bilakaera desberdinak izan zituzten eraikuntzan (%0,3) eta obra zibilean (%0,6). Azpisektore horien urte arteko bilakaerari begiratuz gero, ikusiko dugu kontsumitutako lehengaiei dagokienez ibilbide homogeneoak izan zituztela: eraikuntzako lehengaien kostuak %8,8 igo ziren eta obra zibilekoak %8,6.

Urrian prezio hazkunderik handienak kontsumitutako honako lehengaiek izan zituzten: asfalto-produktuak (%8,2), petroliotik eratorritakoak (%8,2), leherkariak eta gasak (%2,9), olioak eta koipeak (%2,8) eta metalezko hoditeria (%2,0) lehengaiek. Aitzitik, hileko prezioetan murrizketak izan zituzten, besteak beste, energia elektrikoa (%-4,8), aparatu eta material elektrikoak (%-0,7), zementu artifiziala (%-0,6) eta karea, igeltsua eta eskaiola (%-0,6) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%41,2), asfalto-produktuak (%37,6), burdina eta altzairua (%36,0), petroliotik eratorritakoak (%28,9%) eta zementutik eratorritako gaiak (%9,8) lehengaiek. Bestalde, urteko arteko prezioetan (2004ko urria, 2003ko urriaren gainean), murrizketak izan zituzten beira (%-4,3), energia elektrikoa (%-3,7), bulego-materiala (%-2,0) eta egurra eta kortxoa (%-0,5) lehengaiek.