2005eko urtarrilean, Euskal AEko Eraikuntzaren Kostuen Indizea %2,0 igo zen, aurreko hilaren aldean, eta urtarrilerako urte arteko tasa %6,8ra iritsi zen, EUSTATen datuen arabera.

2005eko urtarrilean, lan-eskuaren kostua %4,0 igo zen; lehengaien kostuak, berriz, %1,1.

Eraikuntza eta Obra Zibila azpisektoreek antzeko bilakaera izan zuten: aurreko hilaren aldean %1,1 igo zen Eraikuntza eta %1,2 Obra Zibileko lehengaien kostuak. Azpisektore horien urte arteko bilakaerari begiratuz gero, antzerako ibilbideak izan zituztela ikusiko dugu: eraikuntzako lehengaien kostuak %8,2 hazi ziren, eta obra zibilekoak %7,8.

Urtarrilean prezio hazkunderik handienak kontsumitutako lehengaiek hauek izan zituzten: petroliotik eratorriak (%4,8), ateratze-agregatuak (%2,7), zementu artifiziala (%2,6), burdina eta altzairua (%2,3) eta lur erreak (%1,8) lehengaiek. Aitzitik, hileko prezioetan murrizketak izan zituzten bulego-materiala (%-1,1), metalezko hoditeria (%-1,0), beira (%-0,5), egiturak eta galdaragintza (%-0,4) eta karea, igeltsua eta eskaiola (%-0,1) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%41,0), burdina eta altzairua (%36,9), asfalto-produktuak (%29,6) eta petroliotik eratorriak (%15,5) lehengaiek. Bestalde, urte arteko prezioetan (2005eko urtarrila, 2004ko urtarrilaren gainean), murrizketak izan zituzten beira (%-3,6), karea, igeltsua eta eskaiola (%-0,7), egurra eta kortxoa (%-0,2) eta bulego-materiala (%-0,1) lehengaiek.