2004ko abenduan, % 0,1 beheratu zen Euskal AEko Eraikuntzaren Kostuen Indizea, aurreko hilaren aldean, eta, horrenbestez, hil horretako urte arteko tasa % 7,1ekoa da, Eustatek eskainitako datuen arabera. Hortaz, 2004. urte osoko tasa % 7,1 goratu da, 2003ko abenduarekin alderatuta.

Urte arteko aldian (2004ko abendua, 2003ko abenduarekin alderatuta), lan-eskuaren kostua % 3,8 handitu da; lehengaien kostuak, berriz, % 8,7 hazi dira.

Eraikuntza eta obra zibila azpisektoreetan bilakaera apur bat ezberdina izan da lehengaien kostuetan, eraikuntzan % 0,1 jaitsi baitira aurreko hilaren aldean, eta obra zibilean, % 0,4 beheratu, aurreko hilaren aldean. Azpisektore bi horien urte arteko bilakaerari begiratuz gero, ikusiko dugu ez dutela hor ere bide berdina egin: eraikuntzako lehengaien kostuak % 8,9 hazi dira, eta obra zibilekoen kostuak, aldiz, % 7,8.

Sektoreak kontsumitutako lehengaien artetik, 2004. urte osoan, aurreko abenduarekin alderatuta, hauek izan dira inflazio-tasarik handienekoak: Metalezko hodiak (% 42,6), burdina eta altzairua (% 37,1), asfaltozko produktuak (% 29,6) eta petroliotik eratorriak (% 13,0). Aitzitik, murrizketak izan dituzte urte arteko prezioetan (2004ko azarokoak, 2003ko azarokoekin alderatuta) lehengai hauek: beira (% -2,9), energia elektrikoa (% -1,5), aparatu eta material elektrikoak (% -0,3) eta zura eta kortxoa (% -0,2) lehengaiek.

Iturria: EUSTAT