EUSTATek landutako datuen arabera, 2004ko laugarren hiruhilekoan, lan egutegi homogeneoan %10,4 hazi zen, termino nominaletan, Euskal AEko eraikuntzako jarduera, 2003ko hiruhileko beraren aldean. 2004 guztirako hazkunde-tasa metatuak %7,5eko hazkundea lortu zuen, aurreko urtearen aldean.

Urtaroen eragina zuzenduta, 2004ko laugarren hiruhilekoan %3,7 hazi zen eraikuntzako jarduera, 2004ko hirugarren hiruhilekoarekin alderatuta. 2004ko hirugarren hiruhilekoan, hiruhileko arteko tasak %4,8ko hazkundea lortu zuen, aurreko hiruhilekoaren aldean.

Eraikuntza-sektorearen bilakaera positiboa, 2004ko azken hiruhilekoan, gehiago oinarritu zen eraikinak azpisektorean, obra zibila azpisektorean baino. Izan ere, lehenak %13,3ko igoera izan zuen; bigarrenak, berriz, %4,1ekoa, lan-egutegiaren eraginak zuzendu ostean.

2004ko balantzean metatutako aldakuntza ere handiagoa izan zen eraikuntzan, obra zibilean baino, biak positiboak izan ziren arren. Zehazki, eraikuntza %9,0 hazi zen 2004an, eta obra zibila %4,4.

2004ko laugarren hiruhilekoan, eraikuntzaren sektoreko enplegua %1,1 gehitu zen, datu gordinetan, aurreko urteko hiruhileko beraren aldean. 2004an %1,6ko hazkunde metatua lortu zen, aurreko urtearen aldean.

Oharra: Eurostatek “Methodology of Short-term Business Statistics. Interpretation and Guideliness. 2002 edition” agirian egindako gomendioen arabera, Eustatek bere azterketetan egutegi-eraginak zuzendutako serieak erabiliko ditu urte arteko hazkunde-tasetarako (t/t-4) eta metatuetarako (At/At-1) eta serie desestazionalizatuak hiruhileko arteko tasetarako (t/t-4). Datu gordinak ere erabiltzaileen eskueran izango dira Eustaten web orrian eta datu-bankuan.