EAEn eraikuntzako kostuen indizeak %0,1eko igoera izan du 2005eko otsailean, aurreko hilabetearekin erkatuta. Horrela, eta EUSTATen datuen arabera, hilabete horretako urte arteko tasa %6,8raino igo da.

2005eko otsailean laneskuaren kostuak ez du inolako aldaketarik izan (%0,0), aitzitik lehengaien kostuek %0,2ko igoera izan dute.

Eraikuntzaren eta Obra Zibilaren azpisektoreek bilakaera ezberdina izan dute; Eraikuntzak %0,1eko hazkundea izan du aurreko hilabetearekiko, eta Obra Zibilerako lehengaien kostuek %0,3koa. Bi azpisektore horien urte arteko bilakaerari dagokionez, antzeko ibilbidea izan dutela egiaztatu da: Eraikuntzako lehengaien kostuak %8,2 igo dira, eta Obra Zibileko lehengaien kostuek %8,1eko igoera izan dute.

Otsailean, prezioaren hazkunde handienak, besteak beste, asfaltozko produktuetan (%3,7), petrolioaren eratorrietan (%2,8) eta kare, igeltsu eta eskaiolan kontsumitutako lehengaietan eman da. Aitzitik, prezioa murriztu da, besteak beste, bulegoko materialen (%-3,5), energia elektrikoaren (%-1,7), olio eta koipeen (%-1,1), beiraren (%-0,6), burdin eta altzairuaren (%-0,3) eta erauzketa-agregakinen (%-0,2) lehengaietan.

Sektorean kontsumitutako lehengaien prezioen artean, azken hamabi hilabeteetan inflazio-tasa handienak izan dituztenak hauexek dira: hoditeria metalikoa (%41,4), burdina eta altzairua (%33,6), asfaltozko produktuak (%29,9) eta petrolioaren eratorriak (%21,5). Bestalde, urte arteko prezioetan (2004ko otsailetik 2005eko otsailera) murrizpenak izan dituzte beiraren (%-4,9), bulegoko materialen (%-3,4), energia elektrikoaren (-%2,7) eta zur eta kortxoaren (%-0,5) lehengaiak.