EUSTATek landutako datuen arabera, 2005eko lehenengo hiruhilekoan, lan-egutegi homogeneoan % 7,9 hazi zen, termino nominaletan, Euskal AEko eraikuntzako jarduera, 2004ko hiruhileko beraren aldean.

Hiruhilekoak euren artean alderagarriak izan daitezen urtaroen eraginak zuzenduta, aurtengo lehenengo hiruhilekoan eraikuntzaren jarduera % 3,5 hazi zen 2004ko azken hiruhilekoaren aldean, eta %1,6koa izan zen aurreko hiruhileko arteko tasa gainditu zuen.

Eraikuntza-sektorearen bilakaera positiboa, 2005eko lehen hiruhilekoan, gehiago oinarritu zen eraikuntza azpisektorean, obra zibila azpisektorean baino. Izan ere, lehenak urte arteko % 9,9ko igoera izan zuen, eta bigarrenak, berriz, % 3,5ekoa, lan-egutegiaren eraginak zuzendu ostean.

Hiruhileko arteko terminoetan, 2005eko lehenengo hiruhilekoko sektorearen jarduera 2004ko azkeneko hiruhilekoan izandakoarekin alderatuta, eraikuntza azpisektoreak % 3,7ko bilakaera positiboa izan zuen eta obra zibilak % 3,3koa, urtaroen eraginak zuzenduta.

2005eko lehenengo hiruhilekoan, eraikuntzaren sektoreko enplegua % 0,3 gehitu zen, datu gordinetan, aurreko urteko hiruhileko berdinaren aldean, eta % 0,1eko hiruhileko arteko hazkundea lortu zuen 2004ko azkeneko hiruhilekoaren aldean, hiruhilekoko datuak urtaroen eraginez zuzendu ondoren.