2005eko apirilean, EUSTATen datuen arabera, Euskal AEko Eraikuntzaren Kostuen Indizea % 0,2 igo zen aurreko hilaren aldean, eta apirileko urte arteko tasa % 5,9ra iritsi zen.

2005eko apirilean, lan-eskuaren kostua ez zen aldatu (%0,0); lehengaien kostuak, berriz, %0,2 igo ziren.

Eraikuntza eta Obra Zibila azpisektoreek antzeko bilakaera izan zuten: aurreko hilaren aldean % 0,2 igo zen Eraikuntza eta % 0,3 Obra Zibileko lehengaien kostuak. Urte arteko bilakaerak ere antzekoak izan zituzten azpisektore biek: Eraikuntzako lehengaien kostuak % 6,9 igo ziren eta Obra zibilekoak % 6,7.

Apirilean prezio hazkunderik handienak besteak beste, kontsumitutako honako lehengaiek izan zituzten: leherkariak eta gasak (% 6,3), asfalto-produktuak (% 3,7), garbitzeko eta txukuntzeko materialak (% 3,4), petroliotik eratorriak (% 3,2) eta burdindegiko tresneria (% 2,0) lehengaiek. Aitzitik, hileko prezioetan murrizketak izan zituzten energia elektrikoa (% -7,8), egiturak eta galdaragintza (% -1,0), plastikozko hoditeria. Isolatzaile termikoak (% -0,7) eta burdina eta altzairua (% -0,5) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: asfalto-produktuak (% 24,9), metalezko hoditeria (% 24,3), petroliotik eratorritakoak (% 24,2) eta burdina eta altzairua (% 21,0) lehengaiek. Bestalde, urteko arteko prezioetan (2005eko apirila, 2004ko apirilaren aldean), murrizketak izan zituzten beira (% -3,9), energia elektrikoa (% -1,7) eta bulego-materiala (% -1,5) lehengaiek.