2005eko martxoan, Euskal AEko Eraikuntzaren Kostuen Indizea %0,2 igo zen aurreko hilaren aldean, eta martxorako urte arteko tasa %6,3ra iritsi zen, EUSTATen datuen arabera.

2005eko martxoan, lan-eskuaren kostua ez zen aldatu (%0,0); lehengaien kostuak, berriz, %0,3 igo ziren.

Eraikuntza eta Obra Zibila azpisektoreek bilakaera desberdinak izan zituzten: aurreko hilaren aldean %0,2 igo zen Eraikuntza eta %0,7 Obra Zibileko lehengaien kostuak. Azpisektore horien urte arteko bilakaerari begiratuz gero, ibilbide berdinak izan zituztela ikusiko dugu: Eraikuntzako lehengaien kostuak %7,4 igo ziren eta Obra zibilekoak beste horrenbeste.

Martxoan, prezio hazkunderik handienak kontsumitutako honako lehengaiek izan zituzten: petroliotik eratorritakoak (%8,3), landutako harria (%6,2), asfalto-produktuak (%4,1), energia elektrikoa (%2,9) eta karea, igeltsua eta eskaiola (%1,7) lehengaiek. Aitzitik, hileko prezioetan murrizketak izan zituzten besteak beste garbitzeko eta txukuntzeko materialak (%-1,6), leherkariak eta gasak (%-1,0), erabilitako makineria-osagarriak (%-0,9) eta burdina eta altzairua (%-0,6) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: metalezko hoditeria (%33,3), burdina eta altzairua (%27,8), asfalto-produktuak (%24,8) eta petroliotik eratorritakoak (%24,1) lehengaiek. Bestalde, urte arteko prezioetan (2005eko martxoa, 2004ko martxoaren gainean), murrizketak izan zituzten beira (%-5,5), leherkariak eta gasak (%-2,4), bulego-materiala (%-1,4), energia elektrikoa (%-1,0) eta egurra eta kortxoa (%-0,1) lehengaiek.