EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2004ko apirilarekin erkatuta %4,3 hazi zen 2005eko apirilean. Urteko lehenengo lau hilabeteak aintzat hartuta, industri jarduerak aurreko urteko aldi berberean baino %0,8 gehiago hazi ziren.

2005eko apirilean, aurreko hilabetearen aldean, Euskal Autonomia Erkidegoko industri produkzioa hiruhilabete arteko %2,9ko tasarekin igo zen estazionalitate-ondorioak zuzendu ostean; horrela, lehenengo hiruhilekoaren hileko erregistroak azeleratu egin ziren.

Sektoreen araberako bilakaera

Sektoreen arabera, eta industri sektore nagusienak sailkatu ostean, 2005eko apirileko indizearen bilakaera hazi egin da sektore guztietan, 2004ko otsailarekin erkatuta. Kontsumo-ondasunak %6,8 hazi ziren, kontsumo-ondasun iraunkorrak eta kontsumo-ondasun ez iraunkorrak ere hazi egin zirelako (%7,3 eta %6,6, hurrenez hurren). Ekipamenduko ondasunak %5,6ko urte arteko tasarekin hazi ziren, Tarteko ondasunak %2,9rekin eta Energia %3,6rekin.

2005eko lehenengo lauhilabetean Ekipamenduko ondasunak %3,8 hazi ziren; Tarteko ondasunek ez zuten gorabeherarik izan (%0,0); Energiak %1,6 egin zuen behera. Kontsumo-ondasunak ere %1,2 jaitsi ziren, Kontsumo-ondasun iraunkorrek (%-1,4) eta Kontsumo-ondasun ez iraunkorrek (%-1,1) behera egin zutelako. Datu hauek guztiak, betiere, 2004ko lehenengo lauhilabetekoarekin alderatuta daude.

2005eko apirilean, eta 2005eko martxoarekin erkatuta, hil arteko aldaketa positiboa izan zen sektore guztietan; salbuespena Ekipamenduko ondasunen sektorea izan zen %0,3 jaitsi baitzen. Kontsumo-ondasunek hil arteko %7,5eko igoera izan zuten; hauen artean, Kontsumo-ondasun iraunkorrak %8,0 hazi ziren aurreko hilabetearekiko eta Kontsumo-ondasun ez iraunkorrak %7,2. Tarteko ondasunak %1,7 gehitu ziren eta Energia %10,2.

Lurralde Historikoen araberako bilakaera

Lurralde Historikoen arabera, Industri Produkzioaren Indizearen urte arteko bilakaerak goranzkoak izan ziren lurralde guztietan; izan ere, Araban %1,5 hazi zen, Bizkaian %5,2 eta Gipuzkoan %5,1. Lauhilabeteko metatuan Arabak %1,8 egin zuen behera baina Bizkaiak eta Gipuzkoak tasa positiboekin jarraitu zuten: Bizkaiak %1,4koa eta Gipuzkoak %1,5ekoa.

2005eko apirilean, eta 2005eko martxoarekin alderatuta, hil arteko hazkunde-tasek ere bilakaera positiboa izan zuten: Araban %3,2 hazi zen, Bizkaian %3,3 eta Gipuzkoan %2,2.