2004ko laugarren hiruhilekoan, Euskal AEn 4.887 ume jaio ziren, iazko aldi berean baino % 1,4 gehiago, EUSTATen datuen arabera. Horietatik 1.598 ume urrian jaio ziren, 1.593 azaroan eta 1.696 abenduan. Lurraldez lurralde, Araban 689 haur jaio ziren, Bizkaian 2.517, eta Gipuzkoan 1.681.

2004ko Jaiotzen Estatistikaren behin-behineko emaitzen arabera, 19.448 ume jaio ziren, eta Euskal AEtik kanpo izandako erditzeen informazioaren faltan, 2003an baino % 1,3 gehiago izan ziren.

Jaiotza-hurrenkeraren arabera, erdiak baino gehiago, 2.841 ume (% 58,1), lehenengo seme-alabak izan ziren; 1.736 ume (% 35,5) aurretik beste bat zegoen familietara iritsi ziren; eta hirugarren eta ondorengo seme-alabak 310 (% 6,3) izan ziren.

Jaiotzak amaren adinaren arabera banatuz gero, ikusiko dugu 3034 urteko amen taldea dela nagusi oraindik ere, haien artean izan baitziren erditzeen % 44,5. Talde horren ondotik, hurrengo goragoko taldea kokatu zen, hau da, 3539 urte artekoa (% 27); 2529ko taldea beherago geratu zen, erditzeen % 18,2 ekarri baitzituen; eta 20-24ko taldeak % 4,5 besterik ez zuen ekarri.

40 urtetik gorako adinarekin umeak izaten zituzten amak (% 4,4) gehiago izan ziren 20 urtetik beherako adinekin izan zituztenak baino (% 1,4).

Ezkontzaz kanpoko jaiotzek guztizkoaren % 23,1 hartu zuten, 2003ko aldi berean lortutako kopurua bi ehuneko-puntutan gaindituz. Lurraldeka, Araban izan zen ehunekorik handiena (% 26), ondoren Bizkaian (% 24) eta azkenik Gipuzkoan (% 20,5).