Euskal AEko nekazalturismoko establezimenduetan, 2005eko ekainean, uztailean eta abuztuan 32.901 bidaiari-sarrera erregistratu ziren, hau da, iazko aldi berean baino %10 gehiago: %18 gehitu ziren Gipuzkoan, %4 Araban eta %3 Bizkaian. Euskal AEn, Estatuko bisitariak %11 gehiago izan ziren eta atzerrikoak %4 gehiago.

Euskal AEko nekazalturismoko establezimenduetan egindako gaualdiak 117.632 izan ziren 2005eko udako hilabeteetan, hots, aurreko urteko aldi berean baino %5 gehiago. Urte arteko hazkunde-tasa positiboak izan ziren Gipuzkoan (%9) eta Bizkaian (%2), baina negatiboa Araban (%-9).

Bidaiariko batez besteko egonaldia 3,78 egunetik 3,58 egunera laburtu zen azkeneko udan.

Plazakako betetze-maila %49,10etik %48,01era jaitsi zen.

Zuzentze-oharra: Estatistika-bulego nagusien jardunbide egokirako irizpideen arabera, jakinarazi nahi dizuegu erroreak aurkitu ditugula joan den 2005eko irailaren 22ko prentsa-oharrean emandako nekazalturismoko establezimenduen datuetan. Ohar honen bidez zuzendu ditugu 2005eko ekaineko, uztaileko eta abuztuko bidaiarien eta gaualdien metatze-datuak.

1. taula: ekaineko, uztaileko eta abuztuko hileko emaitza metatuak

Iturria: EUSTAT