2005eko abuztuan, Euskal AEko Eraikuntzaren Kostuen Indizea (%0,0) ez zen aldatu aurreko hilaren aldean, eta abuztuko urte arteko tasa %4,1era iritsi zen, EUSTATen datuen arabera.

2005eko abuztuan, lan-eskuaren kostua ez zen aldatu (%0,0); lehengaien kostuak, berriz, %0,1 igo ziren.

Eraikuntza eta Obra zibila azpisektoreek bilakaera desberdinak izan zituzten. Eraikuntzan (%0,0) indizea ez zen aldatu, baina obra zibilean lehengaien kostuak %0,2 igo ziren, aurreko hilaren aldean. Azpisektore horien urte arteko bilakaerari begiratuz gero, ibilbide hurbilak izan zituztela ikusiko dugu: Eraikuntzako lehengaien kostuak %3,9 igo ziren eta Obra zibilekoak %4,1.

Abuztuan, prezio hazkunderik handienak kontsumitutako honako lehengaiek izan zituzten: energia elektrikoa (%6,6), asfalto-produktuak (%4,9), petroliotik eratorritakoak (%3,9), karea, igeltsua eta eskaiola (%2,6) eta olioak eta koipeak (%2,6) lehengaiek. Aitzitik, hileko prezioetan murrizketak izan zituzten, besteak beste, beira (%-2,7), metalezko hoditeria (%-1,3), burdina eta altzairua (%-0,9), karea, igeltsua eta eskaiola (%-0,6) eta zementu artifiziala (%-0,3) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: asfalto-produktuak (%27,1), petroliotik eratorritakoak (%26,7), harri elaboratua (%11,8), leherkariak eta gasak (%10,7) eta burdina eta altzairua (%8,4) lehengaiek. Aitzitik, urteko arteko prezioetan murrizketak izan zituzten beira (%-3,4), bulego-materiala (%-3,1), karea, igeltsua eta eskaiola (%-2,7), egitura metalikoak eta galdaragintza (%-2,0), eta zura eta kortxoa (%-1,4) lehengaiek.