2005eko maiatzean, Euskal AEko Eraikuntzaren Kostuen Indizea % 0,2 jaitsi zen, aurreko hilaren aldean, eta maiatzeko urte arteko tasa % 5,2ra iritsi zen, EUSTATen datuen arabera.

2005eko maiatzean, lan-eskuaren kostua ez zen aldatu (% 0,0) eta lehengaien kostuak, berriz, % 0,2 jaitsi ziren.

Eraikuntza eta Obra Zibila azpisektoreek bilakaera desberdinak izan zituzten: aurreko hilaren aldean % 0,2 jaitsi zen Eraikuntza eta % 0,5 Obra Zibileko lehengaien kostuak. Urte arteko bilakaerak antzekoagoak izan zituzten azpisektore biek: Eraikuntzako lehengaien kostuak % 5,6 igo ziren eta Obra zibilekoak % 5,0.

Maiatzean, prezio hazkunderik handienak kontsumitutako honako lehengaiek izan zituzten: asfalto-produktuak (% 6,7), energia elektrikoa (% 2,7), esku-erremintak (% 2,5) eta bestelako metalezko artikuluak (% 0,7) lehengaiek, besteak beste.

Aitzitik, hileko prezioetan murrizketak izan zituzten petroliotik eratorritakoak (% -4,3), leherkariak eta gasak (% -3,5), plastikozko hoditeria eta isolatzaile termikoak (% -1,6), metalezko hoditeria (% -1,0) eta burdina eta altzairua (% -0,7) lehengaiek, besteak beste.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: asfalto-produktuak (% 29,8), metalezko hoditeria (% 15,9), burdina eta altzairua (% 13,8) eta petroliotik eratorritakoak (% 12,1) lehengaiek. Aitzitik, urteko arteko prezioetan murrizketak izan zituzten beira (% -3,5), bulego-materiala (% -1,5) eta egitura metalikoak eta galdaragintza (% -0,7) lehengaiek.