2005eko irailean, Euskal AEko Eraikuntzaren Kostuen Indizea %0,1 jaitsi zen, aurreko hilaren aldean, eta irailerako urte arteko tasa %3,7ra iritsi zen, EUSTATen datuen arabera.

2005eko irailean, lan-eskuaren kostua ez zen aldatu (%0,0) eta lehengaien kostuak, berriz, %0,1 jaitsi ziren.

Eraikuntza eta Obra zibila azpisektoreek bilakaera desberdinak izan zituzten. Lehengaien kostuei dagokienez, Eraikuntzan (%-0,2) indizea murriztu egin zen, baina Obra Zibilean lehengaien kostuak %0,2 igo ziren, aurreko hilaren aldean. Baterako emaitza %-0,1ekoa izan zen, Eraikuntza azpisektorea pisutsuagoa delako Obra Zibila baino. Azpisektore bien urte arteko bilakaerek aldeak izan zituzten: Eraikuntzako lehengaien kostuak %3,2 igo ziren eta Obra zibilekoak %3,9.

Irailean prezio hazkunderik handienak kontsumitutako honako lehengaiek izan zituzten: petroliotik eratorritakoak (%5,0), asfalto-produktuak (%2,8), olioak eta koipeak (%2,2) eta beira (%0,9) lehengaiek. Aitzitik, hileko prezioetan murrizketak izan zituzten, besteak beste, energia elektrikoa (%-4,9), leherkariak eta gasak (%-3,7), burdina eta altzairua (%-1,0), ateratze-agregatuak (%-0,3) eta bulego-materiala (%-0,2) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: asfalto-produktuak (%32,1), petroliotik eratorritakoak (%31,9), olioak eta koipeak (%7,4), lur erreak (%6,4), esku-erremintak (%6,3) eta harri elaboratua (%6,2) lehengaiek. Aitzitik, urteko arteko prezioetan murrizketak izan zituzten energia elektrikoa (%-3,4), bulego-materiala (%-2,9), egitura metalikoak eta galdaragintza (%-0,8) eta karea, igeltsua eta eskaiola (%-0,5) lehengaiek.