EUSTATek landutako datuen arabera, 2005eko abuztuan, lan-egutegiko termino homogeneotan %4,6 hazi zen Euskal AEko industri produkzioa, 2004ko hil beraren aldean. Datu hori bat dator urtearen bigarren hiruhilekoan nabaritu zen industri jardueraren susperraldiarekin, eta urtearen lehenengo zortzi hilabeteetan %2,6ko hazkundea eragin zuen, aurreko urteko aldi beraren aldean.

Urtaroen eragina zuzenduta, 2005eko abuztuan %0,1 murriztu zen Euskal AEko industri produkzioa, aurreko hilarekin alderatuta.

Sektore-bilakaera

Sektoreka, industri sektore handien sailkapena kontuan hartuta, 2005eko abuztuko indizearen bilakaerak honako aldakuntzak izan zituen, 2004ko abuztuaren aldean: energia %2,8 hazi zen, ekipo-ondasunak %8,7, bitarteko ondasunak %4,1 eta kontsumo-ondasunak %3,9. Azken horiek honela banatu ziren: kontsumo-ondasun ez-iraunkorrak %7,0 hazi ziren, eta kontsumo-ondasun iraunkorrak %9,7 murriztu ziren.

2005eko lehenengo zortzi hilabeteen metatuan, ekipo-ondasunak %5,9 hazi ziren, bitarteko ondasunak %1,3, energia %1,6 eta kontsumo-ondasunak %0,8, hots, kontsumo-ondasun iraunkorrek eta kontsumo-ondasun ez-iraunkorrek izan zuten tasa berdina (%0,8koa biak); horiek guztiak 2004ko lehenengo zortzi hilabeteekin alderatua.

2005eko uztailaren aldean, 2005eko abuztuko hil arteko aldakuntza bestelakoa izan zen industri sektore handietan. Hil arteko hazkundea izan zen bitarteko ondasunetan (%2,7), baina gainerako sektoreetan jaitsierak izan ziren: energia %5,0 jaitsi zen, ekipo-ondasunak %4,8 eta kontsumo-ondasunak %3,3; kontsumo-ondasun iraunkorrak %8,2 eta kontsumo-ondasun ez-iraunkorrak %0,8.

Bilakaera lurralde historikoaren arabera

Lurralde historikoei dagokienez, abuztuko Industri Produkzioaren Indizearen urte arteko bilakaerak positiboak izan ziren lurralde guztietan: %11,7 hazi zen Araban, %3,5 Bizkaian eta %3,1 Gipuzkoan.

Lurraldeetako hil arteko hazkunde-tasen (2005eko abuztuko datu desestazionalizatuak, urte bereko uztailaren aldean) bilakaerak desberdinak izan ziren hiru lurraldetan: Araban %1,1 hazi zen, Bizkaian %0,1 eta Gipuzkoan %1,1.