EAEn eraikuntzako kostuen indizeak %0,1eko beherakada izan du 2005eko uztailean, aurreko hilabetearekin erkatuta. Horrela, eta EUSTATen datuen arabera, hilabete horretako urte arteko tasa %5,0raino igo da.

2005eko uztailean laneskuaren kostuak ez du inolako aldaketarik izan (%0,0), aitzitik lehengaien kostuek %0,1eko beherakada izan dute.

Eraikuntzaren eta Obra Zibilaren azpisektoreek antzeko bilakaera izan dute. Eraikuntzak %0,1eko beherakada izan du aurreko hilabetearekiko, eta Obra Zibilerako lehengaien kostuek %0,3koa. Bi azpisektore horien urte arteko bilakaeran, argi ikusten da ibilbide antzekoak dituztela: Eraikuntzako lehengaien kostuak %5,4 igo dira, eta Obra Zibilekoak, %4,6.

Uztailean, prezioaren hazkunde handienak, besteak beste, petrolioaren eratorrietan (%3,5), kare, igeltsu eta eskaiolan (%2,6), asfaltozko produktuetan (%2,1) eta beiran (%1,1) kontsumitutako lehengaietan eman da. Ondoko hauetako lehengaien prezioak, berriz, gutxitu egin dira, besteak beste: metalezko tutuerietan (%-4,6), lehergailu eta gasetan (%-1,5), erauzketa-agregakinetan (%-0,7) eta lur egosietan (%-0,4).

Sektorean kontsumitutako lehengaien prezioen artean, azken hamabi hilabeteetan inflazio-tasa handienak izan dituztenak hauexek dira: asfaltozko produktuak (%27,1), petrolioaren eratorriak (%26,6), burdina eta altzairua (%14,1), harri landua (%11,8) eta karea, igeltsua eta eskaiola (%6,7). Bestetik, ondoko hauen lehengaien urte arteko prezioak murriztu egin dira: bulegoko materiala (%-2,5) energia elektrikoa (%-2,1), beira (%-1,8) eta metalezko egiturak eta galdaragintza (%-1,2).