EAEn eraikuntzako kostuen indizeak %0,3ko igoera izan du 2005eko ekainean, aurreko hilabetearekin erkatuta. Horrela, eta EUSTATen datuen arabera, hilabete horretako urte arteko tasa %5,5eraino igo da.

2005eko ekainean laneskuaren kostuak ez du inolako aldaketarik izan (%0,0), aitzitik lehengaien kostuek %0,4ko igoera izan dute.

Eraikuntzaren eta Obra Zibilaren azpisektoreek antzeko bilakaera izan dute. Eraikuntzak %0,4ko igoera izan du aurreko hilabetearekiko, eta Obra Zibilerako lehengaien kostuek %0,7koa. Bi azpisektore horien urte arteko bilakaeran, argi ikusten da are ibilbide antzekoagoak dituztela: Eraikuntzako lehengaien kostuak %5,9 igo dira, eta Obra Zibilekoak, %5,6.

Ekainean, prezioen hazkunde handienak, besteak beste, ondoko hauetan kontsumitutako lehengaietan eman da: petrolioaren eratorriak (%9,3), asfaltozko produktuak (%6,7), burdina eta altzairua (%1,5), erauzketa-agregakinak (%0,7) eta lur egosiak (%0,5). Ondoko hauetako lehengaien prezioak, berriz, gutxitu egin dira, besteak beste: karea, igeltsua eta eskaiola (%-3,0), energia elektrikoa (%-1,7), metalezko tutueriak (%-0,7) eta egiturak eta galdaragintza (%-0,5).

Sektorean kontsumitutako lehengaien prezioen artean, azken hamabi hilabeteetan inflazio-tasa handienak izan dituztenak hauexek dira: asfaltozko produktuak (%42,2), petrolioaren eratorriak (%28,5), burdina eta altzairua (%14,8), harri landua (%11,8) eta metalezko tutueriak (%11,1). Bestetik, ondoko hauen lehengaien urte arteko prezioak murriztu egin dira: beira (%-2,5), bulegoko materiala (%-1,8) eta metalezko egiturak eta galdaragintza (%-1,4).