EUSTATek landutako datuen arabera, Euskal AEko eraikuntzako jarduerak 2005eko hirugarren hiruhilekoan %8,5eko hazkunde nominala izan zuen, lan egutegi homogeneoan, 2004ko hiruhileko beraren aldean. Urteko lehenengo bederatzi hilabetean %7,9ko hazkundea izan zen, aurreko urtearen aldi berarekin alderatuta.

Hiruhilekoak euren artean alderagarriak izan daitezen urtaroen eraginak zuzenduta, aurtengo hirugarren hiruhilekoan eraikuntzaren jarduera %2,1 hazi zen 2005eko bigarren hiruhilekoaren aldean, eta azelerazio arina agertu zuen (%0,3) aurreko hiruhilekoaren hil arteko tasaren aldean.

2005eko hirugarren hiruhilekoan eraikuntza-sektorearen bilakaera gehiago oinarritu zen eraikuntza azpisektorean, obra zibila azpisektorean baino. Izan ere, lehenak urte arteko %10,4ko igoera izan zuen, eta bigarrenak, berriz, %3,3koa. Termino metatuetan posizioak mantendu egin ziren: eraikuntza %10,3 eta obra zibila %4,2 hazi ziren joandako hiru hiruhilekoetan.

Hiruhileko arteko terminoetan, 2005eko hirugarren hiruhilekoko sektorearen jarduera 2005eko bigarren hiruhilekoan izandakoarekin alderatuta, eraikuntza azpisektoreak %2,3ko bilakaera positiboa izan zuen eta obra zibilak neurritsuagoa, %1,5ekoa.

2005eko hirugarren hiruhilekoan, eraikuntzaren sektoreko enplegua %1,2 gehitu zen aurreko urteko hiruhileko berdinaren aldean, eta %0,5eko hiruhileko arteko hazkundea lortu zuen, 2005eko bigarren hiruhilekoaren aldean.