EUSTATek egindako Jaiotzen Estatistikako 2005eko bigarren hiruhilekoaren datuetan, 4.939 jaio jaso ziren, hots, iazko aldi berean izandakoen ia kopuru bera. Lurraldez lurralde, Araban 726 ume jaio ziren, Bizkaian 2.507, eta Gipuzkoan 1.706.

Jaiotza-hurrenkeraren arabera, 2005eko bigarren hiruhilekoan jaioen erdiak baino gehiago, hots, 2.797 ume, lehenengo seme-alabak izan ziren; 1.850 ume (%37,5) aurretik beste bat zegoen familietara iritsi ziren; eta hirugarren eta ondorengo seme-alabak %5,9ra iritsi ziren. Bizkaian (%41,2), bigarren eta ondorengo seme-alaben kopurua Euskal AEko batez bestekoa (%43,4) baino txikiagoa izan zen, eta hori herrialde historiko horretan baino ez zen gertatu. Izan ere, Araban eta Gipuzkoan portzentaje hori gainditu egin ziren, %45,5eko eta %45,7ko portzentajeak izan baitzituzten, hurrez hurren.

Lau jaiotzatik hirutan amak 30 urtetik gorakoak izan ziren

Jaiotzak amaren adinaren arabera banatuz gero, oraindik ere nagusi da 3034 urteko amen taldea. Beraiek izan ziren, bigarren hiruhilekoan ere erditu zirenen ia erdiak. Ondoren, goragoko taldea kokatu zen, hau da, 3539 urte artekoa (%26,3) eta 2529ko taldea beherago geratu zen, erditzeen %18,2 ekarri baitzuen. Muturreko adinak dituzten taldeetan, 25 urtetik behera amatu zirenak %5,6 izan ziren, eta 40 urtez gorakoen taldeak, berriz, jaiotzen %3,7 besterik ez zuen ekarri.

Ezkontzaz kanpo jaioek guztizkoaren %21,9 hartu zuten, eta ia puntu bat igo ziren 2004ko bigarren hiruhilekoaren aldean. Gipuzkoa (%22,3) izan zen Euskal AE osoko kopurua gainditu zuen lurralde bakarra. Arabako portzentajea Euskal AEkoaren berdina izan zen eta Bizkaikoa (%21,6) apur bat txikiagoa. Talde horren erditzeadina haurrak eduki zituzten amen multzo osoarena baino txikiagoa izan zen, ama ezkongabeen %18,2 14 eta 24 urte bitartekoak baitziren.