2005eko azaroan, Euskal AEko Eraikuntzaren Kostuen Indizea %0,2 jaitsi zen, aurreko hilaren aldean, eta azaroko urte arteko tasa %4,0ra iritsi zen, EUSTATen datuen arabera.

2005eko azaroan, lan-eskuaren kostua ez zen aldatu (%0,0) eta lehengaien kostuak, berriz, %0,3 jaitsi ziren.

Eraikuntza eta Obra Zibila azpisektoreek bilakaera berezituak izan zituzten euren lehengaien kostuetan: Eraikuntzan indizea %0,2 jaitsi zen aurreko hilaren aldean, eta Obra Zibilean %0,9. Baterako emaitza %-0,3koa izan zen, Eraikuntza azpisektorea pisutsuagoa delako Obra Zibila baino. Azpisektore bien urte arteko bilakaerek antzeko aldakuntzak izan zituzten: Eraikuntzako lehengaien kostuak %3,8 igo ziren eta Obra zibilekoak %3,4.

Azaroan prezio hazkunderik handienak kontsumitutako honako lehengaiek izan zituzten: energia elektrikoa (%3,7), leherkariak eta gasak (%1,8), pinturak eta bernizak (%0,6), lur egosiak (%0,5), egiturak eta galdaragintza (%0,3) eta beira (%0,3) lehengaiek. Aitzitik, hileko prezioetan murrizketak izan zituzten, besteak beste, petroliotik eratorriak (%-6,8), metalezko hoditeria (%-4,8), asfalto-produktuak (%-3,6), karea, igeltsua eta eskaiola (%-2,4), garbitzeko eta txukuntzeko materiala (%-1,2) eta zementu artifiziala (%-0,4) lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: asfalto-produktuak (%35,5), petroliotik eratorriak (%21,0), leherkariak eta gasak (%7,1), lur egosiak (%6,7), esku-erremintak (%6,3) eta harri elaboratua (%5,9) lehengaiek. Aitzitik, urteko arteko prezioetan murrizketak izan zituzten metalezko hoditeria (%-4,3), karea, igeltsua eta eskaiola (%-2,3), garbitzeko eta txukuntzeko materiala (%-2,2), bulego-materiala (%-2,1), energia elektrikoa (%-0,5) eta egitura metalikoak eta galdaragintza (%-0,3) eta lehengaiek.