2005eko urrian, Euskal AEko Eraikuntzaren Kostuen Indizea %0,7 igo zen, aurreko hilaren aldean, eta urriko urte arteko tasa %3,9ra iritsi zen, EUSTATen datuen arabera.

2005eko urrian, lan-eskuaren kostua ez zen aldatu (%0,0); lehengaien kostuak, berriz, %1,0 igo ziren.

Eraikuntza eta Obra Zibila azpisektoreek bilakaera berezituak izan zituzten euren lehengaien kostuetan: Eraikuntzan indizea %1,1 igo zen aurreko hilaren aldean, eta Obra Zibilean %0,6. Baterako emaitza %1,0koa izan zen, Eraikuntza azpisektorea pisutsuagoa delako Obra Zibila baino. Azpisektore bien urte arteko bilakaerek antzeko aldakuntzak izan zituzten: Eraikuntzako lehengaien kostuak %3,6 igo ziren eta Obra zibilekoak %3,8.

Urrian prezio hazkunderik handienak kontsumitutako honako lehengaiek izan zituzten: asfalto-produktuak (%7,2), burdina eta altzairua (%5,0), metalezko hoditeria (%3,3) eta beira (%0,8) lehengaiek. Aitzitik, hileko prezioetan murrizketak izan zituzten, besteak beste, garbitzeko eta txukuntzeko materiala (%-3,1), petroliotik eratorriak (%-2,0), energia elektrikoa (%-0,9) eta egiturak eta galdaragintza (%-0,1), lehengaiek.

Sektoreak kontsumitutako lehengaien artetik, azken hamabi hilabeteetan, hauek izan zituzten inflazio-tasarik handienak: asfalto-produktuak (%31,9), petroliotik eratorritakoak (%19,4), esku-erremintak (%6,3), harri elaboratua (%6,2) eta lur erreak (%5,9) lehengaiek. Aitzitik, urteko arteko prezioetan murrizketak izan zituzten garbitzeko eta txukuntzeko materiala (%-1,6) eta egitura metalikoak eta galdaragintza (%-1,1) lehengaiek.

Iturria: EUSTAT