EUSTATen datuen arabera, eta azaroko datuen aldean, Euskal Autonomia Erkidegoko eraikuntzako kostuen indizea %0,4 jaitsi zen 2005eko abenduan. 2005. urte osoko tasa %3,5 gehitu zen, 2004ko abenduaren aldean.

Urteko aldi horretan (2004ko abendutik 2005eko abendura bitartean) lan-eskuaren kostua %4,6 igo zen eta lehengaien kostua %3,1.

Abenduan, eraikuntzaren eta obra zibilaren azpisektoreek euron lehengaien kostuaren nahiko antzeko bilakaera izan zuten; hain zuzen ere, eraikuntzak %0,6ko beherakada izan zuen aurreko hilabetearekiko, eta obra zibilerako lehengaien kostuek %0,4koa aurreko hilabetearekiko. Bi azpisektore horien urteko bilakaeran argi ikusten da ibilbide antzekoak izan zituztela: eraikuntzako lehengaien kostuak %3,0 gehitu ziren, eta obra zibilekoak %3,3.

Sektorean kontsumitu diren lehengaien prezioari dagokionez, abenduan inflazio-tasa handienak izan zituztenak ondokoak izan ziren: asfaltozko produktuak (%35,4), petrolioaren eratorriak (%31,0), harri landua (%6,2) eta esku-tresnak (%6,2). Aitzitik, lehengaien urteko prezioetan (2004ko abendutik 2005eko abendura bitartean) gutxitzeak izan dituztenen artean hauek sartzen dira: metalezko tutueriak (%-5,9), metalezko egiturak eta galdaragintza (%-0,8), bulegoko materiala (%-0,7) eta karea, igeltsua eta eskaiola (%-0,2).