EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2004ko abenduaren aldean %10,4 hazi zen 2005eko abenduan. Energia elektrikoak eta garraiorako materialak eragin dute abenduan izan zen urte arteko hazkunde hori. 2005. urte osoko hazkunde-tasa metatua, aurreko urtearen aldean, %4,0koa izan zen.

2005eko abenduan, eta aurreko urteko azaroaren aldean, Euskal Autonomia Erkidegoko industri produkzioa %0,8 hazi zen baina estazionalitate-ondorioak zuzendu ostean.

Iturria: Eustat

Sektoreen araberako bilakaera

Sektoreen arabera, eta industri sektore nagusienen sailkapena kontuan hartuta, 2005eko abenduko indizearen bilakaerak (2005eko abenduaren aldean) hurrengo aldakuntzak izan zituen: urte arteko hazkunde tasarik handiena energian eman zen (%21,7), gero ekipamenduko ondasunetan (%12,8); kontsumo-ondasunek %8,7ko hazkundea izan zuten, eta horien artean kontsumo-ondasun iraunkorren urte arteko hazkundea %7,2koa izan zen eta kontsumo-ondasun ez iraunkorrena %9,4koa. Tarteko ondasunek ere izan zuten urte arteko aldakuntza positiboa, %5,1ekoa alegia.

2005eko abenduko hilabete arteko aldakuntzak (urte bereko azaroaren aldean) zeinu ezberdina izan du industriako sektore nagusienetan. Maila ezberdinekoak izan arren honako sektoreek hazkundeak izan zituzten: energia (%5,5), kontsumo-ondasunak (%1,5) eta tarteko ondasunak (%0,9). Aitzitik, ekipamenduko ondasunak %2,6 gutxitu ziren.

Lurralde Historikoen araberako bilakaera

Lurralde historikoen arabera, Industri Produkzioaren Indizearen abenduko urte arteko bilakaerak positiboak izan ziren hiru lurralde historikoetan; Bizkaian %12,3 hazi zen, Araban %10,6 eta Gipuzkoan %8,1. Hilabete arteko hazkunde-tasak, aldiz, Bizkaian (%2,3) eta Gipuzkoan (%0,5) gehitu egin ziren baina Araban %1,3 murriztu.

2005. urteko balantzea

2005. urteko balantzeari dagokionez, Industri Produkzioaren Indizeak %4,0ko hazkunde metatua izan zuen aurreko urtearen aldean.

Industriako sektore handi guztiek, kontsumo-ondasun iraunkorrak izan ezik, aldakuntza positiboak izan zituzten urteko metatuan. Ekipamenduko ondasunak %5,7 hazi ziren, energia %3,3, tarteko ondasunak %2,4 eta kontsumo-ondasunak, orokorrean, %0,6. Azken hauen artean, kontsumo-ondasun ez iraunkorrak %1,1 hazi ziren baina kontsumo-ondasun iraunkorrak %0,3 gutxitu ziren. Hori guztia, betiere, 2004. urtearekin erkatuta.

2005. urteko aldakuntza metatuak positiboak izan ziren hiru lurralde historikoetan; Arabak %3,2ko hazkundea izan zuen, Bizkaiak %4,3koa eta Gipuzkoak %4,0koa.

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberarekin erkatuta.

Iturria: Eustat