EAEn eraikuntzako kostuen indizeak %0,1eko igoera izan zuen 2006ko otsailean, aurreko hilabetearen aldean; horrela, hilabete horretako urte arteko tasa %3,0raino igo zen, EUSTATen datuen arabera.

2006ko otsailean laneskuaren kostuak ez du inolako aldaketarik izan (%0,0), aitzitik lehengaien kostuek %0,2ko igoera izan dute.

Eraikuntzaren eta Obra Zibilaren azpisektoreek antzeko bilakaera izan zuten; bai eraikuntzak bai obra zibilerako lehengaien kostuek %0,2ko gehikuntza izan zuten aurreko hilabetearen aldean. Bi azpisektore horien urte arteko bilakaeran, argi ikusten da ibilbide ezberdinak izan dituztela: eraikuntzako lehengaien kostuak %2,4 gehitu ziren, eta obra zibilekoak %2,8.

Otsailean, prezioaren hazkunde handienak, besteak beste, energia elektrikoan (%3,9), kare, igeltsu eta eskaiolan (%1,6), metal-arotzerian (%1,5) eta gailuak eta material elektrikoetan (%0,7) kontsumitutako lehengaietan eman da. Ondoko hauetako lehengaien prezioak, berriz, gutxitu egin dira, besteak beste: petrolioaren eratorriak (%-0,8), asfaltozko produktuak (%-0,8), plastikozko tutueria (%-0,7) eta burdina eta altzairua (%-0,6).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: asfaltozko produktuak (%29,0), petrolioaren eratorriak (%24,6), energia elektrikoa (%9,5), harri landua (%6,2) eta zementu artifiziala (%4,5). Bestalde, ondoko hauen lehengaien urte arteko prezioak (2005eko otsailetik 2006ko otsailera) murriztu egin dira: metalezko tutueriak (%-5,2), plastikozko tutueria (%-1,2) eta burdina eta altzairua (%-0,2).

Iturria: EUSTAT