EUSTATen datuen arabera, Euskal Autonomia Erkidegoan eraikuntzaren kostuen indizeak %0,3ko igoera izan zuen 2006ko martxoan, aurreko hilabetearen aldean; horrela, hilabete horretako urte arteko tasa %2,9raino igo zen.

Aurreko urteko abenduaren aldean 2006ko lehenengo hiruhilekoan eman den gehikuntza %2,9koa da.

(*) Hazkundea martxoko urte artekoa da

2006ko martxoan laneskuaren kostuak ez zuen inolako aldaketarik izan (%0,0), aitzitik lehengaien kostuek %0,4ko igoera izan zuten.

Eraikuntzaren eta Obra Zibilaren azpisektoreek antzeko bilakaera izan zuten; bai eraikuntzak bai obra zibilerako lehengaien kostuek %0,4ko gehikuntza izan zuten aurreko hilabetearen aldean. Bi azpisektore horien urte arteko bilakaeran argi ikusten da ibilbide oso antzekoak zituztela: eraikuntzako lehengaien kostuak %2,4 igo ziren, eta obra zibilekoak %2,5.

Martxoan, prezioaren hazkunde handienak, besteak beste, petrolioaren eratorrietan (%2,6), asfaltozko produktuetan (%2,6), beiran (%2,3), energia elektrikoan (%1,9) eta burdina eta altzairuan (%1,9) kontsumitutako lehengaietan eman ziren. Ondoko hauetako lehengaien prezioak, berriz, gutxitu egin ziren: karea, igeltsua eta eskaiola (%-2,9), metalezko tutueriak (%-0,6), zementu artifiziala (%-0,5), beste gai metaliko batzuk (%-0,4) eta egiturak eta galdaragintza (%-0,2).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: asfaltozko produktuak (%20,2), petrolioaren eratorriak (%18,1), energia elektrikoa (%8,5), beira (%7,3) eta zementu artifiziala (%4,1). Bestalde, ondoko hauen lehengaien urte arteko prezioak (2005eko martxotik 2006ko martxora) murriztu egin dira: metalezko tutueriak (%-5,0), plastikozko tutueria (%-1,6) eta karea, igeltsua eta eskaiola (%-0,8).