EUSTATen datuen arabera, 2005eko laugarren hiruhilekoan aurreko urteko aldi berean baino ezkontza zibil gehiago egin zen; hain zuzen ere, 2004. urtean ezkontza zibilak %49,3 izan ziren eta 2005. urtean %54,5. Bestalde, urteko azken hilabete hauetan udan (%36) baino ezkontza zibil gehiago egiten da; urtean 10 ezkontzatik 4 zibilak izan ziren.

2005eko laugarren hiruhilekoko 1.996 ezkontzen artean, Euskal Autonomia Erkidegoko egoiliar ziren 1.942 gizon eta 1.970 emakume ezkondu ziren. 1.804 senar-emazte (%92,9) lehenengo aldiz ezkondu ziren eta, bestalde, 11 alargun eta 127 dibortziatu berriz ezkondu ziren. Lehenengo aldiz ezkondutakoak aintzat hartuta emakumeen kopurua gizonena baino pixka bat txikiagoa izan zen: aldi horretan 1.805 emakume ezkongabe (%91,6), 14 alargun eta 151 dibortziatu ezkondu ziren.

Urteko azken hiru hilabeteetan sexu berekoen arteko 50 ezkontza egin ziren: Araban 7, Bizkaian 19 eta Gipuzkoan 24. 20 ezkontza gizonen artekoak izan ziren eta 21 emakumeen artekoak.

Senar-emazteen adina kontuan hartuta, 2005eko laugarren hiruhilekoan senarren %77,2ak eta emazteen %62,6ak 30 urte baino gehiago zituen. Ehunekoa 4 puntu gehitzen da aurreko urteko hiruhileko bereko senarrei dagokienez, eta 8 puntu emazteei dagokienez.

Beraz, ezkontzeko unea gero eta gehiago atzeratzeko joera mantendu zen. 2005. urte osoan, senarren %71,3 eta emazteen %53,9 30 urterekin edo gehiagorekin ezkondu ziren; izan ere, ehuneko horiek aurreko urtekoak (%69,1 eta %51) baino altuagoak dira.

2005eko behin-behineko datuen arabera, aurreko urtearekin alderatuta %4,6 jaitsi da Euskal Autonomia Erkidegoko egoiliarren ezkontza kopurua. Baina aurreko urtearen aldean 2005. urteko ezkontza zibilen kopurua %2,5 gehitu da, ezkontza guztien %45,9 izan baitzen.