EUSTATen datuen arabera, eta lan-egutegi homogeneoari dagokionez, 2006ko lehenengo hiruhilekoan Euskal Autonomia Erkidegoko eraikuntzaren sektoreak %8,9ko hazkunde nominala izan du 2005eko hiruhileko beraren aldean.

Estazionalitate-ondorioak zuzendu ostean, 2006ko lehenengo hiruhilekoan eraikuntzaren sektorea %1,3 hazi da (2005eko laugarren hiruhilekoaren aldean); horrela, aurreko hiruhilekoko hiruhileko arteko tasa (%3,3) aintzat hartuta, desazelerazio txikia izan du.

Eraikuntzaren sektoreak 2006ko lehenengo hiruhilekoan izan duen bilakaerak Obra Zibila baino gehiago izan du euskarri Eraikuntzaren azpisektorea: eraikuntzak %10,9ko urte arteko igoera izan du eta Obra Zibilak %4,2koa.

Hiruhileko artean, sektoreak 2006ko lehenengo hiruhilekoan izan zuen jarduera 2005eko laugarren hiruhilekokoarekin alderatuz gero, eraikuntzaren azpisektoreak %2,4ko bilakaera positiboa izan du eta obra zibilen azpisektoreak hiruhileko arteko hazkunde negatiboa izan du (%2,6). Beraz, eraikuntzak profil pixka bat bizkortua erakusten duen bitartean obra zibilak hiruhileko artean atzeratze nabarmena izan du.

Datu gordinak emanez gero: eraikuntzaren sektoreko enplegua, 2006ko lehenengo hiruhilekoan, %2,2 gehitu da aurreko urteko aldi beraren aldean, eta 2005eko laugarren hiruhilekoarekin erkatuta berdin (%0,0) mantendu da.