EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2005eko apirilaren aldean %0,5 murriztu da 2006ko apirilean. Urteko lehenengo lau hilabeteetako hazkundea %5,7koa izan da, 2005eko aldi beraren aldean.

2006ko apirilean, eta 2006ko martxoaren aldean, Euskal Autonomia Erkidegoko industri produkzioa %1,4 murriztu da baina estazionalitate-ondorioak zuzendu ostean. Beraz, martxoko desazelerazioa (%-1,3) apirilean ere eman da (%-1,4).

Sektoreen araberako bilakaera

Sektoreen arabera, eta industri sektore nagusienen sailkapena kontuan hartuta, 2006ko apirileko indizearen bilakaerak (2005eko apirilaren aldean) hazkundeak izan ditu ekipamenduko ondasunetan (%2,1) eta energian (%2,0). Alabaina, indize hori murriztu egin da tarteko ondasunetan (%-0,6) eta, batez ere, kontsumo-ondasunetan (%-7,2); izan ere, azken hauetan murrizpenak eman dira kontsumo-ondasun iraunkorrak (%-7,6) eta kontsumo-ondasun ez iraunkorrak (%-6,9) ere murriztu direlako.

2006ko apirileko hil arteko aldaketak, 2006ko martxoaren aldean, negatiboak izan dira industriako sektore guztietan. Energia %8,9 murriztu da hil artean, ekipamenduko ondasunak %2,2 aurreko hilabetearen aldean, tarteko ondasunak %0,2 eta kontsumo-ondasunak %2,6 martxoaren aldean. Azken honen murrizpena kontsumo-ondasun ez iraunkorrek (%-3,1) eta kontsumo-ondasun iraunkorrek eragin dute (%-1,4).

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira Bizkaian (%0,6) eta Gipuzkoan (%0,3), baina Araban %3,8 murriztu dira.

2006ko martxotik apirilera bitarteko tasak murriztu egin dira hiru lurraldeetan: Bizkaian %1,8 murriztu dira hil artean, Gipuzkoan %1,2 eta Araban %0,9.