EUSTATen datuen arabera, eta lan-egutegi homogeneoari dagokionez, 2006ko bigarren hiruhilekoan Euskal Autonomia Erkidegoko eraikuntzaren sektoreak %10,7ko hazkunde nominala izan du 2005eko hiruhileko beraren aldean. Urteko lehenengo bi hiruhilekoetan %9,7ko hazkunde nominala izan da.

Estazionalitate-ondorioak zuzendu ostean, 2006ko bigarren hiruhilekoan eraikuntzaren sektorea %2,3 hazi da urte bereko lehenengo hiruhilekoaren aldean; horrela, aurreko hiruhileko arteko tasaren aldean azelerazio txikia izan du (%1,2).

Euskal Autonomia Erkidegoko Eraikuntzaren Koiunturari buruzko Indizearen urte arteko hazkunde zuzendua, hiruhilabeteka

Iturria: EUSTAT

Eraikuntzaren sektoreak 2006ko bigarren hiruhilekoan izan duen bilakaerak Obra Zibila baino gehiago izan du euskarri Eraikuntzaren azpisektorea: eraikuntzak %11,8ko urte arteko igoera izan du eta Obra Zibilak %8,3koa.

Hiruhileko artean, sektoreak 2006ko bigarren hiruhilekoan izan duen jarduera urte bereko lehenengo hiruhilekoarekin alderatuz gero, eraikuntzaren azpisektoreak %3,0ko bilakaera positiboa izan du eta obra zibilaren azpisektoreak hiruhileko arteko %0,6ko bilakaera izan du; nolanahi ere, bi azpisektoreek izan dute azelerazio txikia nahiz eta bakoitzak intentsitate desberdineko azelerazioa izan.

Datu gordinak emanez gero: eraikuntzaren sektoreko enplegua 2006ko bigarren hiruhilekoan %2,26 gehitu da, aurreko urteko aldi beraren aldean, eta 2006ko lehenengo hiruhilekoaren aldean hiruhilekoen artean %0,9ko hazkundea izan du.

Taula: 2006ko 2. hiruhilekoa. Euskal Autonomia Erkidegoko Eraikuntzaren Koiunturari buruzko indizearen aldakuntza-tasak (%)

(1) t urteko urtarriletik azken hiruhilekora arte metatutako aldiaren urte arteko aldakuntza-tasa da, t-1 urteko aldi berberarekin alderatuta.

Iturria: EUSTAT