EUSTATen datuen arabera, Euskal Autonomia Erkidegoan eraikuntzaren kostuen indizeak %0,3ko igoera izan zuen 2006ko ekainean, aurreko hilabetearen aldean; horrela, hilabete horretako urte arteko tasa %4,4raino igo zen. Aurreko urteko abenduaren aldean, %4,5 igo da.

Urte arteko aldakintza-tasak, 1997-2006

Iturria: EUSTAT

2006ko ekainean laneskuaren kostuak ez du inolako aldaketarik izan (%0,0), aitzitik lehengaien kostuek %0,5eko igoera izan dute.

Eraikuntzaren eta Obra Zibilaren azpisektoreek antzeko bilakaera izan dute: eraikuntzak %0,5eko igoera izan du aurreko hilabetearen aldean, eta Obra Zibilerako lehengaien kostuek %0,4koa. Bi azpisektore horien urte arteko bilakaeran argi ikusten da antzeko ibilbideak izan dituztela: eraikuntzako lehengaien kostuak %4,0 gehitu ziren, eta obra zibilekoak %3,8.

Ekainean, prezioen hazkunde handienak, besteak beste, ondoko hauetan kontsumitutako lehengaietan eman dira: asfaltozko produktuak (%4,4), burdina eta altzairua (%1,9), metalezko tutueriak (%1,3) eta energia elektrikoa (%1,0). Ondoko hauetako lehengaien prezioak, berriz, gutxitu egin dira, besteak beste: olioak eta koipeak (%-1,0), beira (%-0,7), zementu artifiziala (%-0,2) eta erauzketa-agregakinak (%-0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: asfaltozko produktuak (%19,4), energia elektrikoa (%18,3), petrolioaren eratorriak (%13,4), burdina eta altzairua (%9,6) eta lehergailuak eta gasak (%7,2). Bestalde, ondoko hauen lehengaien urte arteko prezioak (2005eko ekainetik 2006ko ekainera) murriztu egin dira: karea, igeltsua eta eskaiola (%-0,5) eta zeramika-produktuak (%-0,1).

ERAIKUNTZAREN KOSTUEN INDIZEA. EUSKAL AE / DATU AURRERAPENA. 2006ko EKAINA.

Iturria: EUSTAT